Mika 2:1-13
2 “Kwagh a tser mba ve henen ken ishima ve er vea er kwaghbo,Mba ka ve hen er vea er iferkwagh shighe u ve lu sha ugambe vev la!
Nahan sev mbu a aven yô ve er kwagh shon,Sha ci u mba a tahav mbu eren un.+
2 Ka vea nenge a ishule a sar ve yô, ve ngohol;+Shi uya kpa ka ve ngohol;Ka ve nyighe or ve ngohol nan ya,+Shi dyako u nan kpa ve ngohol.
3 Sha nahan yô, ka kwagh u Yehova a kaa ne:
‘M ngu van a kwaghbo sha tsombor ne,+ man ne war* kwaghbo shon ga.+
Ne kera zende sha igbongor ga,+ sha ci u shighe ne ka u bo.+
4 Sha iyange la, ior vea ôr injakwagh sha kwagh wen,Shi vea vaa iyol sha kwagh wen tsung.+
Vea kaa ér: “I tim se vindi vindi!+
A tôô kwagh u a lu u ior asev la a gema a na mbagenev!+
A na un u a ban a jighjigh la ishule yase.”
5 Nahan ne lu a or môm ken nongo u Yehova,U nana naregh kor u karen kwagh a mi, nana kar inya ga.
6 I kaa ér, “De u pasen kwagh!” kpa mba pasen her,“Ve de pasen akaa ne ga;A hee se ga!”
7 Mba pinen ken ya u Yakob ér:
“Jijingi u Yehova de u wan ishimaa?
Ka ityom na nee?”
Mkaanem am ma wasen mba ve ongo imo yam la gaa?
8 Kpa semberee ne ior av hingir ihyom a mo.
Ne bugh imondon i doon tsung kua* ikyondo la kera ken igbar je,Hen ior mba ve lu karen a mciem shio, er mba hiden ityav nahan la.
9 Ne zenda kasev mba ior av ken uya vev mba doonashe mbara kera;Ne ngohol icivir yam hen ônov vev kera gbem sha won.
10 Mough yem nen, gadia ijiir ne ka i memen ga.
Er ve lu wang ga yô,+ mtim una va sha a ve, a lu mtim u vesen je.+
11 Aluer or ngu zendan ahumbe ityô shi tsughun ior, shi nan ôr kwagh u aiegh ne ér:
“Me pase u kwagh u wain man kwaghman u i we kwa sha mi la yô,”Nan ngu orpasenkwagh u nan kom sha ior mban vough yô!+
12 Ne mba ken ya u Yakob cii, me kohol ne imôngo, a bunde ga;Me kohol ônov mba Iserael mba ve mase shin la imôngo kpee je.+
Me na vea lu ken mzough er iyôngo i ken ityôgh nahan,Man er ikyumuile i i lu ape yan toho nahan;+Ijiir la ia hingir a ior gong gong.’+
13 Or u nana pev kpekpe la nana vande duen a ve;Vea er ian la ia seer gbanger, vea kar sha hunda vea za due.+
Tor ve una vande karen her a ve,Yehova una lu ve sha hemen.”+
