Mika 5:1-15
5 “U ngu gberen avav iyol,We wankwase u i te num sha a we la;I kase se ningir tser.+
I gbidye orjir u Iserael gbough ku iyôôgh sha henge.+
2 Man we, Betelehem Eferata,+We u u ndahar je u yen u lun môm ken ior udubu imôngo* mba hen ya u Yuda la,Ka ken a we je un u una hemen Iserael la, una due sha ci wam ye,+Un u lu, hii sha ashighe a tsuaa, man sha ayange a ngise ngise la.
3 Nahan Aôndo una kende veZan zan shighe u kwase u i gbe u una mar la una kar maren.
Nahan anmgbianev mba or u a lu hemen mba ve mase shin la, vea hide hen ior i Iserael.
4 Una mough a tile sha, una hemen sha tahav mbu Yehova,+Man ken iti i hemban i Yehova Aôndo na la.
Nahan vea tema bem bem,+Sha ci u mhembe na una nyôr sha akighir a tar.+
5 Shi una va a bem.+
Aluer Ashiria una nyôr ken tar wase shi una ndyar ayou a taven a taver a ase la angahar yô,+Se va a mbakuran utaankaruhar vea va ta num sha a na, een, se va a nomso anigheni mba ve lu ônov mba tor* yô.
6 Vea tsaha tar u Ashiria sha sanker,+Kua ihinda i nyôron ken tar u Nimrodi.+
Shi una yima se sha ikyev i Ashiria,+Shighe u una nyôr ken tar wase, una va ndyar haregh wase angahar la.
7 Mba ve shi ken ya u Yakob la, vea lu hen atô u ior kpishi,Er avure a a sen hen Yehova,Man er zegeura u a nee sha imendenev,Mba ve veren ishima sha or ga,Shin ve keghen ônov mba iorov kpaa ga la nahan.
8 Mba ve shi ken ya u Yakob la, vea lu ken akuraior,Vea lu hen atô u ior kpishi,Er begha u a lu hen atô u inyam i ken ikyô,Man er gumbegha,* u a lu hen atô u agumayôngo,U ka a nyôr a za kôr ilev a ande mbi caver caver,Ma or u waren mbi nan lu ga la nahan.
9 U hemba mba ve hendan kwagh a we la,Shi mbahyomov ou cii a tim ve.”
10 Yehova kaa ér, “Sha iyange la, me kar a anyinya a ou a a lu hen atô wou la kera,Shi me tim akekeautya a ou.
11 Me tim agar a ken tar wouShi me hembe ajiir a ou a taver la cii kera.
12 Me bee a akombo a ou a sôron* la,Shi or môm u eren ahir nana kera lu hen atô wou ga.+
13 Me tim ieev mbi u gbe la, kua mtôm ou ma akombom ma awenem, ma ma lu hen atô wou la kpaa,Nahan u kera gure akaa a u gbe a sha uwegh ough la inya ga.+
14 Me dugh mtôm ou ma akombom ma sha ikyon,*+ ma ma lu hen atô wou la keraShi me tim agar a ou.
15 Me or iyev sha akuraior a a ongo imo yam ga la,Sha ishimanyoon man ishimavihin.”
