Mika 6:1-16
6 Ungwa nen kwagh u Yehova a lu ôron ne.
Mough nen sha, paa nen iyol yen sha ishiv mbi iwoov,Agungu kpa a ungwa imo yen.+
2 Ne iwo, ungwa nen ijir i Yehova ne,Ne akaa a ne we ityô gbang shin tar la kpa, ungwa nen,+Sha ci u Yehova tema ijir a ior nav;Una pase Iserael ishô na.+
3 “Ior av, m er ne nyi?
M na ne vôr inja nena?+
Pasem nen ase ibo yam.
4 Yange m due a ven ken tar u Igipiti,+M due a ven ken ya u kpan kera;+M tindi Mose man Aron man Miriam hen a ven.+
5 Ior av, umbur nen kwagh u Tor Balaki, u ken tar u Moabi yange soo u eren,+Man kwagh u Balam, wan u Beor, ôr a na la+—Kwagh u yange er ken Shitim+ zan zan ar hen Gilgal la+—
Sha er ne fa aeren a perapera a Yehova yô.”
6 Ka nyi me va a mi sha ishigh ki Yehova?
Ka nyi me va a mi, me va gure sha ishigh ki Aôndo u a lu sha laa?
Me va sha ishigh nagh a iniav mbi nanden jimin,Man a agumabua a lun inyom i mômô?+
7 Me va Yehova a anomaiyôngo udubu imôngo,Shi me va un a uikyaren mba vesen mba mkure udubu pue pue nahan, a doo unu?+
Me na wan wam u iunda sha ci u ihyembeato yamaa?
Me na wan wam sha ci u isholibo yamaa?+
8 We or, Aôndo ôr u kwagh u dedoo.
Nahan ka nyi Yehova a soo ér we u ere?
A soo ér we u eren kwagh sha mimi,*+ shi we u soo kwagh u mimi tsung,+Shi we u zenden vea Aôndo wou,+ u eren kwagh akuma akuma+ di tsô!
9 Yehova yila ior mba ve tem ken gar la genger genger;Mba ve lu a kwaghfan la vea cia iti you.
Ungwa tsaha* man un u a ne u la.+
10 Akaa a i zough a mi sha ifer i eren la, nga ken iyou i iferor la hereghKua ikyaren u efa* u ndôhôrshima u a iv ga la kpaa?
11 Aluer m ngu a uikyaren mba mimi ga,Kua ibya i i haa awen a yuhwan ker sha u nyien ior nahan, shi me lu a ishô je kpa?+
12 Gadia mbanyarev nav mba eren ipila kpoghuloo,Shi mba ve tem ken a na la, mba eren mbaaie;+Shi nombor u ken zwa ve la wa aie.+
13 “Sha nahan yô, me gber u ivav kehelee,+Nahan u hingir ice sha ci u asorabo a ou.
14 U ya kwagh, kpa a kuma u ga;Gbor wou una lu gbilin.+
U kura akaa wer u za yer, kpa u fatyô u yeren a ga,Shi kwagh u u kura u yem a mi la kpa, me gema un me na mbahyomov ou.
15 U lôô ivor, kpa u sunda kwagh ga.
U shoghor atam a olev, kpa u er kwagh môm a mkurem ma u zough a mi la ga;Shi u er wain u he, kpa u ma ga.+
16 Gadia u ngu kuran atindi a Omeri shi u ngu dondon aeren a ya u Ahaba cii,+Shi u ngu dondon kwaghwan ve kpaa.
Sha nahan yô, me er u, u hingir kwagh u kpilighyolShi mba ve tem ken a na la kpa, vea hingir kwagh u or karen kenger gbidyen iwer;+Shi ior vea se u.”+
