Mika 3:1-12
3 M kaa mer: “Nea lumun yô, ungwa nen, ne utyombaiorov mba ya u YakobKua ne mbahemenev mba ya u Iserael.+
Gba u ma ne fe kwagh u a lu u vough la gaa?
2 Kpa ne kôr kwagh u dedoo ihyom,+ iferkwagh gema doo ne ishima;+Ka ne hua ior av kwavyolough shi ne bugh ve inyam sha akuhe kera.+
3 Ka ne ya inyam i ior av+Ne hua ve kwavyolough,Ne cagh ve akuhe, ne hembe a avur avur,+Er kwagh u i jiidi shin tsua,* man er inyam i i lu shin tsua u jiidi kwagh nahan.
4 Hen shighe la, vea yila Yehova ér a wase ve,Kpa una ungwa ve ga.
Una yer ishigh nagh hen a ve hen shighe la,+Sha ci u aferakaa a ve.+
5 Ka kwagh u Yehova a ôr sha uprofeti mba ve lu tsumen a ior nav,+Mba ka ve yôô ér ‘Bem!’+ shighe u i we ve kwagh ken zwa,*+Kpa ve gema ve ta ityav sha or u nan we ve kwagh ken zwa ga la je ne:
6 ‘Ime ia wa ne;+ shi ne nenge mpase u sha mnenge ga;+Ne lu ken ime tseegh, ne fa kwagh u ken hemen ga.
Iyange ia mire sha uprofeti mbara,Shi sev mbua hingir ime hen a ve.+
7 Ior mba nengen mbampase vea ya kunya,+Shi mbakpehenshor vea va ahenge.
Ve cii vea cir ijô* ve,Sha ci u Aôndo una ôr ve kwagh ga.’”
8 Kpa mo yô, jijingi u Yehova nam tahav,Man ieren i mimi man agee,Sha er me pase Yakob ihyembeato na shi me ôr Iserael isholibo na yô.
9 Nea lumun yô, ungwa nen kwagh ne, ne utyombaiorov mba ya u YakobKua ne mbahemenev mba ya u Iserael,+Ne mba ne ker ieren i mimi ihyom shi ka ne kôr hanma kwagh u a lu jighilii ne hure,+
10 Ne mba ne maa Shion sha u haan awambe inya shi ne maa Yerusalem sha u eren aferakaa la.+
11 Mbahemenev nav ka ve ngohol kwagh, ve ôr ijir sha mimi ga,+Upristi nav ka ve ôr kwagh sha u i na ve injar,+Shi uprofeti nav ka ve ôr kwagh u ken hemen sha inyar.+
Nahan cii kpa ka ve suur sha Yehova,* ve kaan ér:
“Yehova ngu a vese gaa?+
Kwaghbo môm una tser se ga.”+
12 Nahan ne na yô,A kaha Shion er ka sule nahan,Yerusalem una hingir atihi a alôgh,+Shi uwo u Iyou* la ua hingir er ajiir a taven a ken ikyô nahan.+
