Mika 4:1-13
4 Ken ayange a masejime yô,A ver uwo u iyou i Yehova+ i lu sha mi la dông,Ua tav a kar iwo igen ciiShi a kende a u sha, ua kar agungu,Nahan ior vea kôndo sha mi lugh lugh.+
2 Akuraior kpishi aa za aa za kaa ér:
“Va nen, se kôndo nen sha uwo u YehovaMan sha iyou i Aôndo u Yakob.+
Una tese se kwagh u igbenda na,Nahan se zenden sha igbenda na.”
Gadia tindi* una due ken Shion,Shi kwaghôron u Yehova una due ken Yerusalem.
3 Una ôr ijir hen atô u ior kpishi+Una sôr akaa vough vough* hen atô u akuraior a ageegh a a lu ica la.
Nahan vea tôô usanker vev vea var ikyav mbi kahan sule a miShi vea tôô awange a ve, vea var ahô a sôron ikyon a mi.+
Ikyurior igen ia kera tôô sanker a ikyurior igen ga,Vea kera hen ityav kpaa ga.+
4 Hanma ve nana tema* shin itine i kon u wain u nan, man shin itine i kon u tur u nan,+Or môm nana ta ve mciem iyol ga,+Gadia ka Yehova u akum a sha la je, a ôr kwagh ne sha zwa na ye.
5 Gadia ior cii vea lu zenden, hanma ve ken iti i aôndo u nan,Kpa se yô, se zende ken iti i Yehova Aôndo wase,+ zan zan gbem sha won.
6 Yehova kaa ér: “Sha iyange la,me kohol mba ve keer la imôngo,Shi mba i sambe ve la kpa, me kohol ve imôngo,+Kua mba yange m er a ve caveraa la kpaa.
7 Me kohol mba yange ve keer, mba ve shi her la,+Shi me er mba yange i yem a ve ijiir i icaa la, vea hingir ikyurior i ageegh;+Yehova una tema tor sha a ve sha Uwo u Shion,Hii hegen je zan zan gbem sha won.
8 Kpa we, iyou i taven i ikyumuile,Man we ivom i wankwase u Shion,+Ka hen a we tahav mbua va ye, een, ka hen a we je tahav mbu hiihii* mbua va ye,+Ka tartor u wankwase u Yerusalem.+
9 Nahan er nan u ngoron genger genger?
U ngu a tor gaa?
Shin or u wan we kwagh kpe?
Ka nahan ve i nyoon we er kwase u a lu maren nahan yee?+
10 Zômon iyol shi kine, we wankwase u Shion,Er kwase u a lu maren nahan,Sha ci u hegen u due ken gar kera u za lu ken toho.
U yem zan zan u nyôr ken Babilon,+Ka ker a yima u ye;+Shi ka ker, Yehova una hide a yam u sha ikyev i mbahyomov ou ye.+
11 Gadia akuraior kpishi aa va kohol imôngo sha u aa ta ityav sha a we;Aa kaa ér, ‘Se hôngor un,Shi ashe a ase a nenge er kwagh ne una er Shion yô.’
12 Kpa ve fa mbamhen mba Yehova ga,Shi awashima* na kpa ve kav ga;Sha ci u una kohol ve imôngo er ile i uyia, i i sember sundan i za ver hen vande u gbidyen iyiav nahan.
13 We wankwase u Shion, mough sha gbidye iyiav;+Sha ci u me gema akor a ou aa hingir iyôgh,Shi me gema apande a ou aa hingir togula,Nahan u njighe ior kpishi vindi vindi.+
U na Yehova mtsera u ve zough a mi sha anyighe la,Shi akaa a ve kpa, u gema u na Ter u mimi u sha tar cii la.”+
