Hen Mbaroma 13:1-14
13 Hanma or nana̱ wa iyol i nan sha ikyev i mbautahav mba ve hemen nan la;+ gadia ma tahav mbugen mbu ga, saa mbu mbu dugh hen Aôndo la tseegh;+ mbu mbu lu ne kpa, ka Aôndo a de mbu lu her sha aan kposo kposo ye.+
2 Sha nahan yô, or u nan hendan a tahav mbura cii yô, ka Aôndo u a ver mbu la je nan lu hendan a na ye; mba ve lu hendan a mbu la, vea va a mtsaha sha ayol a ve.
3 Gadia mbautahav mbara mba ka sha ci u mba ve eren kwagh u dedoo la ve cia ga, kpa ka mba ve eren kwagh u bo la.+ U soo wer orhemen nana de cier we iyol gaa? Yô, eren kwagh u dedoo,+ nahan nana wuese we;
4 gadia nan ngu ortom u Aôndo sha ci u iwasen you. Kpa aluer u ngu eren kwagh u bo yô, cia, sha ci u nan ngu a sanker ka gbilin ga. Ka ortom u Aôndo kua or u oron iyev, van a iyugh sha* mba ve eren kwagh u bo la.
5 Sha nahan yô, gba hange hange u ne wa ayol a en sha ikyev ve, i̱ de lu sha ci u iyugh la tseegh ga, kpa i̱ lu sha ci u imoshima yen.+
6 Ka nahan ve ne te kpandegh kpaa ye; sha ci u mba mbatomov mba Aôndo, mba ve lu eren tom sha ci u ior, u kuren awashima shon ne hanma shighe yô.
7 Na nen hanmô ve kwagh u i gbe u a na nan la: or u i gbe u a ta nan kpandegh yô, i̱ ta nan kpandegh;+ or u i lu u nana sav kasua* kpaa i̱ lumun nana̱ sav; or u i lu u a cia nan yô, i̱ cia nan er i gbe u a cia la,+ or u i gbe u a na nan icivir kpaa i̱ na nan icivir la.+
8 De lu nen or môm a kwagh ga, saa dooshima u i gbe u ne tesen ayol a en la tseegh;+ gadia or u ior ve doo nan ishima yô, nan er kwagh u tindi a tese la.+
9 Gadia kwagh u i nger ken tindi ér, “De eren idya ga,+ de woo or ga,+ de iin ga,+ de tômon kwagh u or ga,”+ man hanma kwagh ugen u tindi a kaa cii, i kohol i kaa ér: “Or u wan ndor a we nana̱ doo u ishima er iyol you nahan.”+
10 Or u nan lu a dooshima yô, nan eren or u wan ndor a nan ifer ga;+ nahan kwagh u tindi a tese yô, ka dooshima.+
11 Doo u ne er akaa ne sha ci u ne fa shighe u ne lu ker ne, er i lu ihwa i i gbe u ne nder ne lu per yô,+ gadia se hemba zurum a myom wase hegen a shighe u yange se hingir mbananjighjigh la.
12 Tugh za kpishi; sev mbu sôôn aven. Nahan yô, se de nen ityom i ken ime cii,+ se gema se haa nen ikyav mbi uityaav mbi iwangerev iyol.+
13 Se zenden nen sha inja,+ er ka atetan nahan, se nyôr nen iyol ken uiniongo mba eren dang her shin ken msôrom ma hunden ga, shin ken idya shin ieren i ndôhôrshima* ga,+ shin ken ayôôso shin iyuhwe i eren kpaa ga.+
14 Haa nen Ter Yesu Kristu iyol,+ shi de tsengan henen nen sha kwagh u ne er sha u kuren asaren a iyolough ga.+
Ngeren mba shin kpe
^ Shin “oron iyev sha u tsahan.”
^ Shin “nana̱ ngohol mtsera u nan sha ikyav mbi mbakasuav.”
^ Shin “dang u eren.” Ka ishember i ken zwa Grika i i yer ér aselgeia (asejia) la. Nenge Ngeren u Pasen Asember.
