Hen Mbaheberu 8:1-13
8 Nahan kwagh u vesen ken kwagh u se lu ôron yô, ka un ne: Se mba a imba zegepristi ne,+ a tema ken uwegh ku iyanegh ku ikyônough ki torough ki Aôndo u Icivirigh sha,+
2 ka ortom u ken icighanjiir+ man u ken tenti u mimi u i lu Yehova* a er, i lu or ga la.
3 Gadia hanma zegepristi yô, ka i ver nan sha u nana̱ eren tom u nan uiyua kua iniav; nahan gba keng u ngun kpa una lu a kwagh u nan.+
4 Luun er ngu shin tar yô, ma a lu pristi ga,+ gadia ior mba, mba ve lu vanden eren tom u nan uiyua er Tindi a tese la yô.
5 Icighantom u ior mban ve eren la ka ikyav man mure+ u akaa a sha.+ Ka vough er kwagh u Aôndo ôr a Mose zum u kuma u una er tenti la a tese nahan: Gadia A kaa ér: “Ver ishima er hanma kwagh a̱ lu er i tese u sha uwo nahan.”+
6 Kpa hegen Yesu ngohol tom u u hembe doon cii yô, sha ci u un ne shi ngu orhimen+ u ikyuryan i hemban doon cii;+ yange i va a ikyuryan ne sha tindi, shi i ya i̱ sha uityendezwa mba hemban doon cii.+
7 Luun er ikyuryan i hiihii la ngi a mshi sha mi ga yô, ma i kera gbe u a ya ikyur i sha uhar ga.+
8 Kpa yange zua nongoior la a mshi, sha ci u a kaa ér: “‘Nenge! Ayange nga van a me ya ikyur i he a ya u Iserael man a ya u Yuda yô,’ kape Yehova* a kaa la;
9 ‘ia lu er ikyur i yange m ya a uter vev sha iyange i m kôr ve uwegh sha u duen a ve ken tar u Igipiti kera la nahan ga,+ sha ci u ve gbihi ikyuryan yam, nahan m de u wan ve ikyo,’ kape Yehova* a kaa la.
10 “‘Gadia ka ikyuryan i me ya a ya u Iserael zum u ayange la aa kar kera je ne,’ kape Yehova* a kaa la. ‘Me wa atindi a am ken mhen ve, shi me nger a ken asema a ve.+ Nahan me hingir Aôndo ve, ve di vea hingir ior av.+
11 “‘Nahan mô ve môm nana kera tese ma or u hen tar u nan man anmgbian u nan, nana kaa ér: “Fa Yehova!”* ga, sha ci u ve cii vea fam, hii sha mbakiriki zan zan nyôr sha mbavesen.
12 Gadia me zungwe ve mhôônom sha akaabo a ve, shi mayange me kera umbur asorabo a ve ga.’”+
13 Er a kaa ér ka “ikyuryan i he” yô, a er ikyuryan i tsuaa la hingir i tse.+ Nahan kwagh u a ye tsegh shi a lu been iyol yô, sôôn karen kera.+
Ngeren mba shin kpe
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
