Hen Mbaheberu 1:1-14
1 Sha ayange a tsuaa la, Aôndo lam a uter asev acin imôngo sha ikyev i uprofeti man sha igbenda igen kpishi.+
2 Kpa ken mkur u ayange shon ne yô, lamen a vese sha ikyev i Wan na+ u a ver un ér a lu oryandyako sha akaa cii,+ shi i lu sha ikyev na a gbe akaa a sha man a shin tar* la.+
3 Ka iengem i Aôndo la je a lu a mi ye,+ shi a bee Un vindi vindi,+ shi ka sha mkaanem nam ma ma lu a tahav la akaa cii a ze hemen u lun ye. Yange wanger asorabo a ase kera yô,+ za tema ken uwegh ku iyanegh ku Aôndo u Icivirigh sha.+
4 Nahan a hemba mbatyomov+ sha ci u a ya dyako u iti i i hembe doon a i ve yô.+
5 U tesen ikyav yô, i gbe nahan ka hanma ortyom Aôndo a kaa a nan ér: “U ngu wan wam; nyian ne m hingir teru”?+ Man shi ér: “Me hingir ter na, un di una hingir wan wam” ase?+
6 Kpa zum u una shi a tindi Waniunda na+ shin tar la, una kaa ér: “Mbatyomov mba Aôndo cii ve̱ gure un inya.”
7 Shi a ôr kwagh u mbatyomov ér: “Ka a er mbatyomov nav ve lu ujijingi,* ka a er mbatomov nav+ mban er ka nomborusu nahan.”+
8 Kpa kwagh u Wan la yô, a kaa ér: “Aôndo ka ikyônough ki torough you+ zan zan gbem sha won, shi tôgh ku Tartor wou kpaa ka tôgh ku ijirôron i mimi.
9 Perapera yange doo u ishima, u gema u kôr atindi a peren ihyom. Ka nahan ve Aôndo, Aôndo wou shighe u mkurem+ shi na u iember hemba mbagenev mba ve lu* er we nahan la ye.”+
10 Shi i kaa ér: “Tere, sha hiihii la, u wa imaagh ki tar, shi usha ka ityom i ave a ou.
11 Vea vihi kera, kpa we yô, u lu her; ve cii vea bee iyol er ka ikyondo nahan,
12 u hure ve sha er ikyondo i cirin nahan, u musan ve er ka ikyondo yô. Kpa we yô, u gem ga, anyom a ou kpaa aa bee mayange ga.”+
13 Kpa i gbe nahan ka hanma ortyom a kaa a nan ér: “Temam ken uwegh ku iyanegh, zan zan me kar veren mbahyomov ou ve lu u kpenga* u pendan angahar sha mi”?*+
14 Ve cii ka ujijingi mba eren icighantom,+ mba ka i tindi ve sha u ve za wase mba vea va ya dyako u myom la gaa?
