Odo 30:1-33
30 A sani di e kon now, na wan prenspari boskopu di Agur, a manpkin fu Yakei, ben taigi Itiyel nanga Ukal.
2 Mi don moro ala tra sma.Mi no abi a ferstan di wan sma musu abi.
3 Mi no kon sabi san na koni.Mi no sabi den sani di a Moro Santawan sabi.
4 Suma opo go na hemel èn saka kon na gron baka?
Suma tyari a winti kon na wán na ini den tu anu fu en?
Suma domru den se nanga den liba na ini en dyakti?
Suma seti* den moro farawe pisi fu grontapu?
Efu yu sabi, dan taigi mi san na a nen fu a sma disi èn san na a nen fu en manpkin.
5 Ala sani di Gado e taki de soifri.
Gado na wan schild gi den sma di e suku kibri na en.
6 No taki nowan tra sani boiti san Gado srefi taki,noso a o strafu yuèn yu o de wan leiman.
7 Gado, tu sani mi e aksi yu.
Na den sani disi nomo mi wani fosi mi dede.
8 Meki sani di no tru nanga lei tan fara fu mi.
No meki mi kon pôti, ma no meki mi kon gudu tu.
Meki mi nyan a n’nyan nomo di mi abi fanowdu,
9 so taki mi no nyan mi bere furu èn drai baka gi yu èn taki: „Suma na Yehovah?”
No meki mi kon pôti tu, so taki mi no go fufuru èn pori a nen fu mi Gado.
10 No go ferteri wan basi ala sortu lei fu en futuboi,noso a o fluku yu èn na yu o kisi strafu.
11 Yu abi sma di e fluku den p’paèn di no e blesi den m’ma.
12 Yu abi sma di denki taki den abi wan krin ati,ma den no wasi a doti* puru na den skin.
13 Yu abi sma di abi bigifasièn di e luku tra sma leki den na noti!
14 Yu abi sma di abi tifi leki fet’owruèn kaak leki bigi nefi fu srakti meti.Den e swari den mofinasma fu grontapuèn den e nyan den pôtisma puru na mindri libisma.
15 Den watraworon* abi tu umapkin di e bari: „Mi wani moro! Mi wani moro!”
Dri sani de di noiti abi nofo,iya, fo sani di noiti e taki: „A sari!”
16 Dati na Grebi,* wan muru di no man kisi pkin,wan gron di no abi nofo watraèn faya di noiti e taki: „A sari!”
17 Efu wan sma e spotu en p’pa èn a e trangayesi en m’ma,dan blaka fowru fu den lagipresi o tyopu den ai fu en puruèn den yongu aka o nyan en ai.
18 Dri sani de di e dangra* mièn fo sani de di mi no man ferstan. Dati na:
19 A fasi fa wan aka e frei na loktu,a fasi fa wan sneki e kroipi na tapu wan bigi ston,a fasi fa wan sipi e waka na seèn a fasi fa wan man e tyari ensrefi te a de nanga wan yongu uma.
20 Disi na san wan huru-uma e du:
A e nyan, a e figi en mofo, dan a e taki:„Mi no du nowan ogri.”
21 Dri sani de di e meki grontapu sekièn fo sani de di a no man tyari. Dati na:
22 Te wan srafu e tiri leki kownu,te wan sma sondro ferstan e span en bere nanga n’nyan,
23 te wan man e trow nanga wan uma di sma no lobi srefsrefi*èn te wan umasrafu e teki a presi fu en misi.
24 Fo sani de di pkin moro ala tra sani na grontapu,ma den koni.* Dati na:
25 Den mira. Den no tranga,*ma tòg den e tyari den n’nyan kon na wán na dreiten.
26 Yu abi den bergi-konkoni tu. Den no abi so furu krakti,*ma tòg den e meki den oso na tapu wan stonbergi.
27 Dan yu abi den sprenka. Den no abi wan kownu,ma tòg den e hari gwe leki srudati na ini wan legre.*
28 Yu abi a kamrawenke tu. A man waka na a muur sondro fu fadonèn a e go na ini na oso fu wan kownu.
29 Dri libisani de, iya, fo libisani de di e waka na wan fasi di moi fu si. Dati na:
30 A lew. A de a moro tranga meti di deèn a no e lon gi nowan sma.
31 Dan yu abi na ontidagu, a bokoboko,nanga wan kownu di e waka nanga a legre fu en.
32 Efu yu ben de so don fu kisi heimemrenoso efu yu ben e denki fu tyari yusrefi na a fasi dati,dan tapu yu mofo nanga yu anu.
33 Te yu e drai merki doronomo, dan a o tron botro.Te yu naki wan sma na tapu en noso, dan en noso o brudu.Na so a de tu taki te yu e meki tra sma ati bron, dan dati e tyari trobi kon.
Futuwortu
^ Hebrewtongo: „opo”.
^ Hebrewtongo: „pupe”.
^ Disi na wan sortu woron di e libi na ini watra èn di e fasi ensrefi na libisma noso meti fu soigi a brudu fu den.
^ Noso: „ferwondru”.
^ Noso: „e teige”.
^ Noso: „koni srefsrefi”.
^ Hebrewtongo: „Den a no wan tranga pipel”.
^ Hebrewtongo: „Den a no wan pipel di abi furu krakti”.
^ Noso: „den prati na ini grupu te den e hari gwe”.
