Odo 5:1-23
5 Mi manpikin, mi e begi yu, poti prakseri na a koni fu mi.+ Poti yesi arki te mi e leri yu san na a koni fu man si sani krin,+
2 so taki yu man tan denki krin.+ Noiti yu mofobuba musu gowe libi trutru sabi.+
3 Den wortu di e komoto na ini a mofo fu wan huru-uma, switi leki oni di e dropu komoto fu wan onigodo+ èn a tapusei fu en inimofo grati moro oli.+
4 Ma den bakapisi fu den sani di a e taki bita leki na udu fu wan bitabon.+ Den sani di a e taki srapu leki wan feti-owru di e koti na tu sei.+
5 Den futu fu en e meki a saka go miti dede.+ A pasi pe a e waka, e tyari en go na Grebi.*+
6 A no e poti prakseri na a pasi fu libi.+ A lasi pasi. A no sabi srefi pe a e go.+
7 Sobun, mi manpikin, un arki mi.+ No trangayesi den sani di mi e taigi unu.+
8 Tan farawe fu na uma disi. No go krosibei fu a doromofo fu en oso,+
9 so taki trawan no lasi lespeki gi yu+ èn yu no pina yu heri libi langa.+
10 Na so fasi a no o pasa taki trawan e suku fu kisi wini fu den gudu di yu abi+ èn den sani di yu wroko so tranga fu den, no o doro tu na ini na oso fu sma di yu no sabi.+
11 Dan yu no o abi fu geme bakaten+ te yu no abi krakti moro èn te yu skin no de noti moro.+
12 Noso yu o abi fu taki: „Te sma ben e gi mi leri, mi no ben wani yere kwetikweti.+ Mi ben e tegu gi piri-ai!+
13 Mi no arki den sma di ben e sori mi san fu du+ èn mi no gi yesi na den leriman fu mi.+
14 Fosi yu denki, ala sortu ogri pasa nanga mi+ na fesi ala sma di kon makandra fu anbegi Gado.”+
15 Dringi watra fu yu eigi watrabaki èn watra di e lon kon na yu eigi peti.+
16 Fu san ede den watra-olo fu yu musu de na dorosei fu yu oso?+ Fu san ede yu musu meki a watra fu yu lon na den pren?
17 Meki den de gi yu wawan. No prati den nanga tra sma.+
18 Meki Gado blesi a watra-olo fu yu+ èn prisiri nanga a wefi di yu teki sensi yu yongu yari.+
19 Meki a de gi yu leki wan moi dia èn wan moi bergikrabita.+ Meki den bobi fu en drungu yu ala ten baka.+ Meki a lobi fu en prisiri yu pasa marki ala ten.+
20 Sobun, mi manpikin, fu san ede yu musu meki prisiri nanga wan uma di no de yu wefi? Fu san ede yu musu brasa wan huru-uma hori?+
21 Yehovah e si ala den sani di libisma e du+ èn a e poti prakseri na a fasi fa den e tyari densrefi.+
22 Den fowtu fu wan ogri sma o kisi en te fu kaba+ èn den sondu fu en na titei di o tai en hori.+
23 Na en o dede, fu di a no ben wani teki piri-ai.+ Fu di a e du so furu don sani, meki a e lasi pasi.+
Futuwortu
^ Hebrew wortu: syeol. Luku „Moro sani”, nr. 10.
