Odo 20:1-30

20  Win na wan spotuman+ èn sopi na wan opruruman.+ Nowan sma di e lasi pasi fu sopi ede, na wan koni sma.+  A frede di wan kownu e meki sma frede, de leki a babari fu wan yongu lew.+ Iniwan sma di e meki a kownu ati bron nanga en kan lasi en libi fu di a e sondu.+  Wan man e kisi glori te a no e haritaki nanga trawan,+ ma wan don sma o haritaki nanga trawan esi-esi.+  Na ini a kowru ten fu a yari a lesiman no o drai a doti fu en gron.+ Dati meki a o begi sma nyanyan na a ten fu a kotiwroko, ma a no o kisi noti.+  Den prakseri na ini na ati fu wan man de leki dipi watra,+ ma wan man di abi a koni fu man si sani krin o hari den kon na tapu.+  Furu sma o taki dati den e sori trawan bun-ati,+ ma suma kan feni wan sma di e du san reti?+  A reti-ati sma e tyari ensrefi na wan reti fasi.+ Koloku fu den manpikin di a o kisi.+  Kownu e sidon na tapu en kownusturu fu koti krutu+ èn a e ondrosuku sani finifini, so taki a kan puru ala ogridu na pasi.+  Suma kan taki: „Mi krin mi ati.+ Mi no abi sondu moro”?+ 10  Fu marki sani nanga tu sortu wegiston èn nanga tu sortu baki na wan tegu sani gi Yehovah.+ 11  Den sani di wan boi e du e sori suma a de trutru. Na so sma kan sabi efu a e du san reti èn efu a e du sani nanga wan krin ati.+ 12  Yesi di e yere nanga ai di e si na sani di Yehovah srefi meki.+ 13  No lobi fu sribi langa, so taki yu no kon pôti.+ De na ai. Nyan yu bere furu.+ 14  A sma di e bai sani e taki: „A sani no bun. A no bun srefisrefi!” Ma te a e waka gowe,+ a e meki bigi fu san a du.+ 15  Gowtu de, sosrefi bun furu koraal-ston. Ma wan mofo di e taki koni sani na wan patu di warti srefisrefi.+ 16  Efu wan sma tan borgu gi wan trawan+ di a no sabi, dan yu musu teki a krosi fu en. Efu a de wan man di ben go na wan huru-uma, dan yu musu teki wan sani fu en leki panti.+ 17  Wan sma di e bedrigi trawan fu kan feni nyanyan e prisiri fu dati.+ Ma bakaten en mofo o furu nanga pikinpikin ston.+ 18  Rai fu trawan o yepi yu fu du san yu abi na prakseri+ èn koni rai o yepi yu fu feti wan bun feti.+ 19  A sma di abi a gwenti fu waka e fruteri tori fu trawan e puru sma bere kon na doro.+ Yu no musu bumui nanga wan takitaki-mofo sma.+ 20  Efu wan sma e fluku en papa nanga en mama,+ dan sma o kiri a lampu fu en te dungru e fadon.+ 21  Awinsi wan sma di abi bigi-ai kon kisi furu gudu,+ toku a no o kisi blesi bakaten.+ 22  No taki: „Mi o pai ogri fu ogri!”+ Wakti Yehovah+ èn a o frulusu yu.+ 23  Fu wegi sani nanga tu sortu wegiston na wan tegu sani gi Yehovah.+ A no bun fu gebroiki wegi di no e wroko bun.+ 24  Na Yehovah e sori wan man sortu pasi a musu waka.+ Fa wan libisma kan sabi sortu pasi a musu teki?+ 25  Ogri o miti a sma di de tumusi gaw fu taki: „A sani disi santa!”+ èn di e meki wan sweri,+ fosi a go sidon prakseri san a e taki.+ 26  Wan koni kownu e panya den ogriwan go na ala sei+ èn a e puru den na mindri trawan, neleki fa sma e puru buba na aleisi.+ 27  A bro+ fu libisma na a lampu fu Yehovah. Te na ini wan sma inibere a lampu disi e ondrosuku sani.+ 28  Sani e waka bun gi wan kownu te a e sori trawan bun-ati èn te a e taki san tru.+ Na fu di a sori trawan bun-ati, meki a kan tan kownu.+ 29  Na a krakti fu yongu sma e meki taki den e kisi glori+ èn na a weti wiwiri fu owru sma e gi den grani.+ 30  Fonfon di meki soro e puru ogridu+ èn wan sma di den naki e firi en te na ini en inibere.+

Futuwortu