Ieremia 51:1-64
51 O le mea lenei ua fetalai mai ai Ieova:
“O aʻu lava ou te faaosoina atu se matagi e faatamaʻia ai,Ina ia faaumatia ai Papelonia+ ma ē o loo nonofo i Lepa-kaima.*
2 Ou te aauina atu i Papelonia o tagata faasavili saito,Ma o le a latou faasaviligia o ia ma faagaogaoina lona nuu;E latou te tau ma ia i itu uma i le aso o le puapuaga.+
3 Aua neʻi lolo‘u* e le tagata fanafana aū lana ʻaufana.
Aua foʻi neʻi tulaʻi se tasi i lona ofutau ʻapamemea.
Aua neʻi alolofa mutimutivale i ona tauleleʻa.+
Ia faaumatia lana ʻautau uma.
4 E paʻuʻū i latou ua fasiotia i le nuu o tagata Kaletaia,Ua matuā manunu‘a i ona auala.+
5 Auā e leʻi tuua Isaraelu ma Iuta e lo latou Atua, o Ieova o ʻau, e leʻi avea i latou e pei o fafine ua oti a latou tane.+
Ae ua matuā nofosala lo latou nuu* i le silafaga a Lē e Paia o Isaraelu.
6 Inā outou sosola ese ia mai i totonu o Papelonia,Ma ia faasaoina o outou ola.+
Aua neʻi fano outou ona o lana mea sesē.
Auā o le taimi lea o le tauimasui a Ieova.
Ua ia taui atu iā te ia e tusa ma ana mea na fai.+
7 Ua avea Papelonia ma ipu auro i le aao o Ieova;Ua ia faaonā le lalolagi uma.
Ua feinu atunuu i lana uaina;+O le mea lea ua vālea ai atunuu.+
8 Ua faafuaseʻi lava ona paʻū Papelonia, ma ua gau ai o ia.+
Inā uiō ia ona o ia!+
Ia avatu se pasama mo lona tigā; atonu e mālōlō ai o ia.”
9 “Sa tatou taumafai e faamālōlōina Papelonia, ae e leʻi mālōlō ai o ia.
Inā tuu ai pea o ia, ma ia taʻitasi i tatou ma alu i lona lava nuu.+
Auā ua oo atu i le lagi lona faamasinoga;Ua maualuga e oo i ao.+
10 Ua faia e Ieova le faamasinogatonu mo i tatou.+
Inā ō mai ia, seʻi o tatou taʻutaʻu atu i Siona galuega a Ieova lo tatou Atua.”+
11 “Inā faaiila ia aū;+ ia ave aʻe talita lapotopoto.*
Ua faagaeetia e Ieova le agaga o tupu o Metai,+Auā ua finagalo o ia ina ia faaumatia Papelonia.
Auā o le tauimasui lea a Ieova, o le tauimasui mo lona malumalu.
12 Inā sii aʻe ia se faailoilo*+ i pā o Papelonia.
Ia faamalosia le leoleoga, ia tofia ni tagata leoleo.
Ia sauni i latou o loo lalafi.
Auā ua iai le mea ua finagalo Ieova e fai,Ma e na te faataunuu le mea ua ia folafola e fai i ē o loo nonofo i Papelonia.”+
13 “O oe lenā le fafine o loo nofo i luga o vai e tele,+Ma ua tamaoaiga i oloa,+Ua oo mai lou iʻuga, o le iʻuga* o au polofiti.+
14 Ua tautō Ieova o ʻau iā te ia lava,‘Ou te faatumuina oe i tagata, e toʻatele e pei o sē akerise,Ma e latou te alalaga atu i le manumalo ona o oe.’+
15 O ia o Lē na faia le lalolagi i lona mana,O Lē na faatumauina le laueleele i lona atamai,+Ma o Lē foʻi na fofola le lagi i lona malamalama.+
16 Pe a tulei mai lona siʻufofoga,Ona taalili ai lea o vai i le lagi,Ma ua ave aʻe e ia o ao i le lagi* mai i tuluʻiga o le lalolagi.
Ua faia e ia o uila* mo le timu,Ma ua aumaia e ia le matagi mai i ona fale teuoloa.+
17 Ua gaoioi ma le lē mafaufau lelei tagata uma, ma ua leai so latou poto.
E faalumaina tufuga fai uʻamea uma ona o le faatusa ua tā;+Auā o le mea pepelo lana faatusa uʻamea,*Ma e leai foʻi se ola* iā i latou.+
18 E faatauvaa i latou,+ o se galuega ua tauemua.
E fano i latou i le aso o lo latou faasalaga.
19 E lē pei le Tofi o Iakopo o nei mea,Auā o ia o le Mataisau o mea uma,E oo foʻi i le tootoo o lona tofi.+
O Ieova o ʻau o lona suafa lea.”+
20 “O oe o laʻu uatogi o le taua, o se auupega o le taua,Auā ou te tuʻimomomoina atunuu e ala iā te oe.
Ou te faaumatia foʻi malo e ala iā te oe.
21 Ou te tuʻimomomoina le solofanua ma lē o loo tiʻetiʻe ai e ala iā te oe.
Ou te tuʻimomomoina le kariota o le taua ma lē o loo tiʻetiʻe ai e ala iā te oe.
22 Ou te tuʻimomomoina le tane ma le fafine e ala iā te oe.
Ou te tuʻimomomoina le toeaina ma le tamaitiiti e ala iā te oe.
Ou te tuʻimomomoina le tauleʻaleʻa ma le tamaʻitaʻi e ala iā te oe.
23 Ou te tuʻimomomoina le leoleo mamoe ma lana lafu e ala iā te oe.
Ou te tuʻimomomoina le faifaatoʻaga ma ana manu sua fanua e ala iā te oe.
Ou te tuʻimomomoina kovana ma sui pule e ala iā te oe.
24 Ou te taui atu iā Papelonia ma ē uma o loo nonofo i Kaletaia,E tusa ma mea leaga uma na latou faia i Siona i o outou luma,”+ ua fetalai mai ai Ieova.
25 “O lenei, ou te faasagatau atu iā te oe,+ o oe lenā le mauga e na te faaumatia,” ua fetalai mai ai Ieova,“O oe o lē e na te faaumatiaina le lalolagi atoa.+
Ou te faaloaloa atu loʻu lima iā te oe ma fuliese oe mai i papaMa faia oe ma mauga mū.”
26 “E lē avea foʻi e tagata se maa tulimanu mai iā te oe po o se maa mo le faavae,Auā e faatafunaina oe e oo i le faavavau,”+ ua fetalai mai ai Ieova.
27 “Inā sii aʻe ia se faailoilo* i le nuu.+
Ia ili le pū i atunuu.
Ia tofia* atunuu e tau ma ia.
Ia aami malo o Ararata,+ o Meni, ma Asekeneso+ e tau ma ia.
Ia tofia se tagata tau e faasagatau iā te ia.
Ia ō aʻe foʻi iā te ia ni solofanua e pei o tamaʻi sē akerise.
28 Ia tofia* atunuu e tau ma ia,O tupu o Metai,+ o ona kovana, o ona sui pule uma,Ma nuu uma e latou te pulea.
29 E lūlūina le laueleele ma gatete,Auā e faataunuuina le finagalo o Ieova faasaga iā Papelonia,Ina ia faia le nuu o Papelonia ma mea e fefefe ai, e leai foʻi se isi e nofo ai.+
30 Ua lē toe tau tagata totoa o Papelonia.
Ua latou nonofo i o latou nofoaga malolosi.
Ua mavae atu lo latou malosi.+
Ua avea i latou e pei o ni fafine.+
Ua susunuina i le afi ona fale.
Ua gauia foʻi ona faamaufaalava.+
31 Ua momoʻe atu le tasi tagata tamoʻe e faafetaiaʻi i le isi tagata tamoʻe,O le tasi foʻi avefeʻau e faafetaiaʻi i le isi avefeʻau,Ina ia taʻu atu i le tupu o Papelonia ua faatoʻilaloina lona aai i itu uma,+
32 Ua punitia vaega e sopoʻia ai vaitafe,*+Ua susunu i le afi vaa e fai i le kome,Ma ua matataʻu fitafita.”
33 Auā o le mea lenei ua fetalai mai ai Ieova o ʻau, o le Atua o Isaraelu:
“Ua pei le tama fafine a Papelonia o le mea e soli ai saito.
Ua oo i le taimi e matuā solia ai o ia.
Ua toeitiiti lava ona oo mai lea o le taimi o le seleselega iā te ia.”
34 “Ua ʻaina aʻu e Nepukanesa le tupu o Papelonia;+Ua ia faafenuminumiaʻi iā te aʻu.
Ua ia tuu aʻu i lalo e pei o se ipu e lē o iai se mea.
Ua ia foloina aʻu e pei o se gata telē;+Ua ia faatumu lona manava i aʻu mea matagofie.
Ua ia fufulu ese foʻi iā te aʻu.
35 E faapea ane lē o loo nofo i Siona, ‘Ia i luga o Papelonia faiga sauā na faia iā te aʻu ma loʻu tino!’+
E faapea ane foʻi Ierusalema, ‘Ia i luga o ē o loo nonofo i Kaletaia loʻu toto!’”
36 O lea ua fetalai mai ai Ieova:
“Ou te faia lau finauga,+Ma ou faaoo atu le tauimasui mo oe.+
Ou te faamateina lona sami ma faamamate foʻi ona vaieli.+
37 E avea Papelonia ma faupuʻega maa,+O le mea e nonofo ai taʻifau o le vao,+O le mea e fefefe ai, o se mea foʻi e tuufaaili ai,E leai se isi e nofo ai.+
38 E fetagisi faatasi i latou uma e pei o tamaʻi leona.*
E atigū i latou e pei o tamaʻi leona.”
39 “Pe a malolosi o latou tuʻinanauga, ou te saunia a latou faigaʻai ma ou faainu i latou ia onanā,Ina ia olioli ai i latou;+Ona latou momoe lea i le moe e faavavau,E lē toe feala mai ai i latou,”+ ua fetalai mai ai Ieova.
40 “Ou te ave ifo i latou e pei o tamaʻi mamoe o le a fasia,E pei o mamoe poʻa faatasi ma ʻoti.”
41 “E! ua puʻea Sesaka,*+Ua maua foʻi le Viiga a le lalolagi atoa.+
E! ua avea foʻi Papelonia ma mea e fefefe ai atunuu.
42 Ua alu aʻe le sami i luga o Papelonia.
Ua ufitia ai o ia i le tele o ona galu.
43 Ua avea ona aai ma mea e fefefe ai, o se nuu naumati ma o se toafa.
E lē toe nofo ai se tasi i lea nuu, e lē ui ane ai foʻi se tagata.+
44 Ou te uaʻi atu iā Pele+ i Papelonia,Ma ou te aveesea mai i lona gutu mea na ia foloina.+
E lē toe gasolo atu foʻi iā te ia atunuu,E soloia foʻi le pā o Papelonia.+
45 Loʻu nuu e, inā ō ese ia mai iā te ia!+
Ia sosola ese ina ia faasaoina o outou ola+ mai i le toʻasā aasa o Ieova!+
46 Aua neʻi o outou lotovaivai pe fefefe ona o le tala e faalogo ai i le nuu.
E oo mai le tala i lea tausaga,Ma le isi tala i le isi tausaga,O faiga sauā i le nuu ma le faasagatau o le tasi pule i le isi pule.
47 O le mea lea, faauta! e oo mai asoOu te taui atu ai i faatusa ua tā a Papelonia.
E māsiasi lona nuu uma,E paʻuʻū foʻi ona tagata uma ua fasiotia i totonu iā te ia.+
48 E alalaga fiafia le lagi ma le lalolagiMa mea uma o loo iai ona o Papelonia,+Auā e ō mai iā te ia tagata e faaumatiaina mea mai i le itu i mātū,”+ ua fetalai mai ai Ieova.
49 “E lē gata o Papelonia le pogai o le paʻuʻū o tagata ua fasiotia o Isaraelu,+Ae o Papelonia foʻi na paʻuʻū ai tagata ua fasiotia o le lalolagi uma.
50 O outou o ē ua sao mai i le pelu, inā ō pea ia, aua le tutū!+
Ia manatua Ieova mai i le mea mamao,Ma tau ina ia manatua Ierusalema i o outou loto.”+
51 “Ua faamāina i matou, auā ua matou faalogo i taufaifaiga.
Ua ufitia o matou mata i le māsiasi,Auā ua ō atu tagata ese i mea paia o le fale o Ieova.”+
52 “Faauta! O le mea lea, e oo mai aso,” ua fetalai mai ai Ieova,“Ou te uaʻi atu ai i ona faatusa ua tā,Ma e ōi foʻi ē ua manunuʻa i lona nuu uma.”+
53 “E tusa lava pe alu aʻe Papelonia i le lagi,+E tusa foʻi pe faamalosia e ia ona ʻolo maualuluga e malolosi,Ae e ō atu iā te ia o ē e faaumatiaina mea mai iā te aʻu,”+ ua fetalai mai ai Ieova.
54 “Faalogo! Ua iai le alaga mai i Papelonia,+O le leo o le faaumatiaga tele mai i le nuu o tagata Kaletaia,+
55 Auā ua faaumatia e Ieova Papelonia,Ma e faafilemu e Ia lona leotele.E taalili o latou galu e pei o vai e tele,
Ma e lagonaina o latou leo.
56 Auā e sau i luga o Papelonia, o lē e faaumatiaina mea;+E puʻea ona tagata totoa,+E gauia a latou ʻaufana,Auā o Ieova o le Atua o le tauimasui.+
E tauia lava e ia.+
57 Ou te faainu ia onanā ona perenise ma ona tagata atamamai,+O ona kovana ma ona sui pule, ma ona tagata totoa,E momoe i latou i le moe e faavavau,E lē toe feala mai ai i latou,”+ ua fetalai mai ai le Tupu, o lona suafa o Ieova o ʻau.
58 O le mea lenei ua fetalai mai ai Ieova o ʻau:
“E matuā soloia i lalo le pā o Papelonia, e ui ina lautele,+E faamūina foʻi i le afi ona faitotoʻa, e ui ina maualuluga.
E galulue fua tagata;E galulue mamafa atunuu mo le afi ma e vaivai ai i latou.”+
59 O le upu lenei na poloaʻi mai ai le perofeta o Ieremia iā Seraia le atalii o Neria,+ le atalii o Maseia, ina ua alu atu o ia faatasi ma Setekaia le tupu o Iuta i Papelonia, i le tausaga lona fā o lana nofoaiga; o Seraia o le alii e pule i mea a le tupu.
60 Na tusia e Ieremia i le tusi e tasi, le mala uma o le a oo i Papelonia, o nei upu uma na tusia e faasaga iā Papelonia.
61 Ua fai atu foʻi Ieremia iā Seraia: “Afai e te oo atu i Papelonia ma vaai i ai, ia e faitau leotele atu nei upu uma.
62 Ona e faapea atu lea, ‘Ieova e, o oe lava na e fetalai e faatatau i lenei aai, ina ia faaumatia ma leai se isi e nofo ai, o se tagata po o se manu, ma e faatafunaina o ia e faavavau.’+
63 Pe a uma ona e faitauina lenei tusi, ia e nonoa ai se maa ma lafo i totonu o le Eufirate.
64 Ona e faapea atu lea, ‘E faapea ona goto o Papelonia ma lē toe ea aʻe+ ona o le malaia o le a ou faaoo i ona luga; e vaivai ai lava i latou.’”+
Ona gata ai lea o upu a Ieremia.
Faamatalaga Pito i Lalo
^ E aliali mai o se isi igoa lea mo Kaletaia.
^ Epe., “solia.”
^ E faasino atu i le nuu o tagata Kaletaia.
^ Pe atonu “ia faatutumu taga e tuu ai aū.”
^ Po o le “pou faailoilo.”
^ Epe., “fua.”
^ Po o “ausa.”
^ Pe atonu “o faitotoʻa.”
^ Po o le “faatagata ‘apamemea.”
^ Po o le “mānava.”
^ Po o le “pou faailoilo.”
^ Epe., “faapaia.”
^ Epe., “faapaia.”
^ Po o “asaga.”
^ Po o “tamaʻi leona taanoa.”
^ E aliali mai o se isi igoa lea mo Papelu (Papelonia).
