Ieremia 2:1-37
2 Ua oo mai le afioga a Ieova iā te aʻu e faapea:
2 “Inā alu ia ma folafola atu i Ierusalema, ‘O le mea lenei ua fetalai mai ai Ieova:
“Ou te manatua lelei lou faamaoni* a o e talavou,+O lou alofa i le taimi na e faamau ai o le a e faaipoipo,+I lou mulimuli mai iā te aʻu i le toafa,*I le nuu e leʻi lūlūina i ai ni fatu.+
3 Sa paia Isaraelu iā Ieova,+ o uluaʻi fua o lana seleselega.”’
‘O i latou uma e ʻaina o ia, e taʻusalaina i latou.
E oo mai iā i latou le mala,’ ua fetalai mai ai Ieova.”+
4 Le aiga o Iakopo e, inā faalogologo mai ia i le afioga a Ieova,Ma outou o aiga uma o le fanauga a Isaraelu.
5 O le mea lenei ua fetalai mai ai Ieova:
“O le ā ea se mea sesē na maua e o outou augātamā iā te aʻu,+Ua latou taumamao ese ai mai iā te aʻu,Ma latou mulimuli atu ai i atua e lē aogā,+ ma lē aogā ai fo‘i i latou?+
6 Ua latou lē fesili ane, ‘O fea o iai Ieova,O Lē na aveeseina i tatou mai i le nuu o Aikupito,+O Lē na taʻitaʻia i tatou i le toafa,O le nuu o fanua naumati+ ma lua,O le nuu e leai ni vai+ ma le pogisa tele,O le nuu e lē uia e se tagata,Ma e lē nofo ai foʻi se tasi?’
7 Ona ou aumaia lea o outou i le laufanua o togālaau,Ina ia aai i ona fua ma mea lelei.+
Ae ua outou ō mai ma faaleaga loʻu laueleele;Ua outou faia foʻi loʻu tofi o se mea e inosia.+
8 E leʻi fesili ositaulaga, ‘O fea o iai Ieova?’+
E leʻi iloa aʻu e i latou na aʻoaʻoina atu le Tulafono;Na fouvale leoleo mamoe iā te aʻu,+Na faia e perofeta valoaga i le igoa o Paala,+Ma na latou mulimuli atu i ē e lē maua mai ai ni mea aogā.
9 ‘O le mea lea ou te saga finau ai ma outou,’+ ua fetalai mai ai Ieova,‘Ou te finau foʻi ma fanau a a outou fanau.’
10 ‘Ae ia sopoʻia atu fanua tū matafaga* o Kitimo+ ma vaavaai i ai.
Ioe, ia auina atu se feʻau i Kitara,+ ma ia outou iloilo totoʻa;Ma iloa ai pe na tupu se mea faapenei.
11 Pe e iai se atunuu na suia o latou atua i mea e lē o ni atua?
Ae ua suia e loʻu nuu loʻu mamalu i mea e lē aogā.+
12 Le lagi e, inā pulatoʻa ia ma le ofo i lenei mea;Ia gatete lava ma ia matuā fememeaʻi,’ ua fetalai mai ai Ieova,
13 ‘Auā e lua mea leaga ua faia e loʻu nuu:
Ua latou tuulafoa‘ia aʻu le puna o le vai ola,+Ma eli* mo i latou o vaieli,O vaieli māvaevae e lē mafai ona tali ai ni vai.’
14 ‘Po o Isaraelu ea o se auauna po o se pologa na fanau mai i le aiga?
Aiseā la ua avea ai o ia o sē ua ave faapagota?
15 Ua fetagisi atu iā te ia o tamaʻi leona;*+Ua leotetele i latou.
Ua faia foʻi e i latou lona laueleele ma mea e fefefe ai.
Ua susunuina ona aai, ma ua leai se isi e nofo ai.
16 Ua ‘aina e tagata o Nafi*+ ma Tapenesa+ lou tumuaʻi.
17 Pe e te le‘i faia lenei mea iā te oe lava,Ina ua e tuulafoa‘ia Ieova lou Atua+A o ia taʻitaʻia oe i le ala?
18 O lenei, aiseā e te moomoo ai i le ala i Aikupito,+Ina ia e inu ai i vai o Seora?*
Aiseā e te moomoo ai i le ala i Asuria,+Ina ia e inu ai i vai o le Vaitafe?*
19 E ao ona faasaʻo oe e au amioga leaga,Ma e ao ona aʻoaʻia oe e au gaoioiga lē faamaoni.
Ia e iloa ma vaai i le leaga ma le tigā+O le tuulafoa‘ia o Ieova lou Atua;Ua e lē mataʻu iā te aʻu,’+ ua fetalai mai ai Ieova o ʻau, le Alii Pule Silisili Ese.
20 ‘Auā na ou gauililiia lau amo+ i aso anamuaMa motusi ese ou noanoataga.
Ae ua e faapea mai: “Ou te lē auauna atu iā te oe,”
Auā ua e taoto taliaga i luga o aʻega maualuluga umaMa lalo o laau lauolaola uma,+ ma e talitane ai.+
21 Na ou totōina oe o se vine mūmū lelei,+ o le fatu māoʻi lava;Ae ua faapefea ona suia oe e avea ma tātupu leaga o le vine ese i o‘u luma?’+
22 ‘E tusa pe e te faamamā iā te oe i le neteri* ma fasimoli* e tele,E tumau pea ona e lē mamā i oʻu luma ona o lau mea sesē,’+ ua fetalai mai ai Ieova le Alii Pule Silisili Ese.
23 E faapefea ona e fai mai, ‘Ou te leʻi leaga.
Ou te leʻi mulimuli atu iā Paala’?
Vaai i lou ala i le vanu.
Ia mafaufau i lau mea na fai.
Ua pei oe o se tamaʻi kamela fafine televaveUa fetamoeaʻi solo i ona ala,
24 O se asini o le vao ua masani i le toafa,O le manaʻo o lona loto ua sosogi ai i le matagi.
O ai ea e mafai ona taofiofia o ia i le taimi e fia feusua‘i ai?
E lē tigāina i latou uma e saʻili iā te ia.
E latou te maua o ia i lenā masina.
25 Inā taofi ia ou vae ina neʻi lē faaseevaeina,Ma lou faaʻī neʻi fia inu.
Ae ua e faapea ane, ‘E lē aogā!+
E leai! Ua ou alofa i tagata ese,*+Ma ou te mulimuli atu iā i latou.’+
26 E pei ona māsiasi o se gaoi pe a maua o ia,E faapea foʻi ona māsiasi le aiga o Isaraelu,O i latou, o o latou tupu, o o latou perenise,O o latou ositaulaga, ma o latou perofeta.+
27 Ua latou fai atu i le laau, ‘O oe o loʻu tamā,’+
Ma le maa, ‘O oe na e fanaua aʻu.’
Ae ua ū mai o latou tua iā te aʻu, ae e lē o o latou mata.+
Ma i le taimi o o latou puapuaga, e latou te faapea mai ai,‘Inā tulaʻi ia ma faaola iā i matou!’+
28 O lea, o fea ou atua na e faia mo oe lava?+
Inā tutulaʻi ia i latou, pe mafai ona latou faaola iā te oe i taimi o lou puapuaga.Auā Iuta e, ua anoanoa‘i ou atua e pei o ou aai.+
29 ‘Aiseā e tou te finau mai ai pea iā te aʻu?
Aiseā ua outou fouvale uma mai ai iā te aʻu?’+ ua fetalai mai ai Ieova.
30 Na ou fasia a outou fanau, ae e leai se aogā.+
E latou te leʻi talia se aʻoaʻiga.+Ua fasiotia o outou perofeta+ i la outou lava pelu,E pei o se leona e na te faaumatia.
31 Le tupulaga e, inā outou mafaufau ia i le afioga a Ieova.
Po ua avea ea aʻu e pei o se toafa iā Isaraelu,Po o se nuu e matuā pogisa?
Aiseā ea ua fai mai ai loʻu nuu, ‘Ua matou feoaʻi solo.
E matou te lē toe ō atu iā te oe’?+
32 Pe e mafai ea ona galo i se taupou ana teuga,Pe galo foʻi i se tamaʻitaʻi faaipoipo ona fusi?
A o loʻu lava nuu, ua latou faagaloina aʻu i le tele o aso.+
33 Le fafine e, ua e saunia ma le poto lou ala ina ia saʻili ai se tasi e alofa iā te oe!
Ua e aʻoaʻoina oe lava i ala o amioga leaga.+
34 E oo lava i ou pito ofu ua pisia i le toto o tagata matitiva e lē sala,+E ui ou te le‘i maua i latou o osofa‘i atu;Ua iai ia mea i ou pito ofu uma.+
35 Ae ua e fai mai, ‘Ou te mamā lava.
E moni ua liliuese lona toʻasā mai iā te aʻu.’
O lenei ou te aumaia le sala faafaamasinoga iā te oe,Ona ua e faapea mai, ‘Ou te leʻi agasala.’
36 Aiseā ua e manatu māmā ai i le femoumouaʻi o lou ala?
E te māsiasi ona o Aikupito,+E pei lava ona e māsiasi ona o Asuria.+
37 O le mea foʻi lea e te alu atu ai ma ou lima i luga o lou ulu,+Auā ua teena e Ieova ē ua e faatuatua i ai;Ma e te lē manuia iā i latou.”
Faamatalaga Pito i Lalo
^ Tagaʻi i le Uiga o Upu.
^ Po o le “alofa faamaoni.”
^ Po o “motu.”
^ Po o le “tuʻi,” atonu e tuʻi papa.
^ Po o “tamaʻi leona taanoa.”
^ Po o “Mafi.”
^ E faasino atu i le vaitafe o Eufirate.
^ E faasino atu i se maga o le vaitafe o le Naila.
^ O se ituaiga o fasimoli e fai mai i lefulefu.
^ O se ituaiga o pauta e faaaogā e faamamā ai mea.
^ Po o “atua ese.”
