Ieremia 1:1-19
1 O upu nei a Ieremia* le atalii o Hilikia, o se tasi o ositaulaga i Anatota+ i le nuu o Peniamina.
2 Na oo mai le afioga a Ieova iā te ia i aso o Iosia+ le atalii o Amone,+ le tupu o Iuta, i le tausaga lona 13 o lana nofoaiga.
3 Na oo mai fo‘i i aso o Ioakima+ le atalii o Iosia, le tupu o Iuta, seʻia oo ina faaiʻuina le tausaga lona 11 o le nofoaiga a Setekaia+ le atalii o Iosia, le tupu o Iuta, e oo i le taimi na ave faapagota ai Ierusalema i le masina lona lima.+
4 Na oo mai iā te aʻu le afioga a Ieova e faapea:
5 “Na ou iloa* oe ae ou te leʻi faia oe i le manava,+Ma na ou faapaiaina* foʻi oe ae e te leʻi fanau mai.*+
Na ou faia oe ma perofeta i atunuu.”
6 Ae na ou faapea atu: “Auē, Ieova e, le Alii Pule Silisili Ese!
Ou te lē iloa tautala,+ auā ua na o aʻu o se tamaitiiti.”*+
7 Ona fetalai mai lea o Ieova iā te aʻu:
“Aua e te fai mai, ‘Ua na o aʻu o se tamaitiiti.’
Auā e tatau ona e alu atu iā i latou uma ou te auina atu i ai oe,Ma ia e tautala atu i mea uma ou te poloaʻi atu ai iā te oe.+
8 Aua e te fefe ona o i latou,+Auā ‘ou te faatasi ma oe e laveaʻi iā te oe,’+ ua fetalai mai ai Ieova.”
9 Ona faaloaloa mai lea o le aao o Ieova ma paʻi mai i loʻu gutu.+ Ua fetalai mai fo‘i Ieova iā te aʻu: “Ua ou tuu atu aʻu upu i lou gutu.+
10 Faauta, ua ou tofia oe i le aso nei e te pule i atunuu ma malo, ina ia liaʻiina ma talepe i lalo, ia faaumatia ma soloia i lalo, ia fausia foʻi ma totōina.”+
11 Ua toe oo mai foʻi le afioga a Ieova iā te aʻu e faapea: “Ieremia e, o le ā se mea o e vaai atu i ai?” Ona ou fai atu lea: “Ua ou vaaia se lālā o le laau o le sekati.”*
12 Ua fetalai mai Ieova iā te aʻu: “E sa‘o lau vaai, auā ou te mataala pea e tusa ai ma laʻu upu ina ia faataunuuina.”
13 Ua oo faalua mai le afioga a Ieova iā te aʻu e faapea: “O le ā se mea o e vaai atu i ai?” Ona ou fai atu lea: “Ua ou vaaia se ulo* o loo pupuna,* ma o lona gutu e faasaga mai i mātū.”
14 Ona fetalai mai lea o Ieova iā te aʻu:
“E oo mai le mala mai i mātūIā i latou uma o loo nonofo i le nuu.+
15 Auā ‘ou te valaau atu i aiga uma o malo o le itu i mātū,’ ua fetalai mai ai Ieova;+‘E latou te ō mai fo‘i; e taʻitoʻatasi ma tuu lona nofoāliiI le mea e ui atu ai i faitotoʻa o Ierusalema,+I ona pā uma o loo siʻomia aiMa aai uma o Iuta.+
16 Ou te faailoa atu iā i latou aʻu faamasinoga ona o a latou amioga leaga uma,Auā ua latou tuulafoa‘ia aʻu,+Ma ua latou faamūina taulaga i isi atua,+Ma ifo i galuega a o latou lava lima.’+
17 Ae ia e sauni e gaoioi,*Ma ia e tulaʻi ma ta‘u atu iā i latou mea uma ou te poloaʻi atu ai iā te oe.
Aua e te mata‘u iā i latou,+Ina neʻi oʻu faamataʻuina oe i o latou luma.
18 Auā ou te faia oe i le aso nei ma aai malupuipuia,O se poutū uʻamea, ma pā ʻapamemea e faasagatau atu ai i le nuu atoa,+O tupu o Iuta ma ona perenise,O ona ositaulaga ma tagata o le nuu.+
19 E latou te siitaua mai lava iā te oe,Ae e latou te lē manumalo iā te oe,*Auā ‘ou te faatasi ma oe+ e laveaʻi iā te oe,’ ua fetalai mai ai Ieova.”
Faamatalaga Pito i Lalo
^ Atonu e uiga atu “Ua Faaeaina e Ieova.”
^ Po o le “vavaeesea.”
^ Epe., “ae e te leʻi sau mai i le manava.”
^ Po o le “filifilia.”
^ Po o le “talavou.”
^ Epe., “o sē ua mataala.”
^ Po o “se ulo e telē le gutu.”
^ Epe., “o loo tapili,” e faailoa mai ai se afi o loo tapili i lalo o le ulo.
^ Epe., “fusi ia lou sulugātiti.”
^ Po o le “lē faatoʻilaloina oe.”
