O ai e mafai ona auai?

E talia so o se tasi. E mafai ona valaaulia sau uō ma sui o lou aiga.

O le ā le umi o le polokalame?

E pe tusa ma le itula le umi.

O fea o le a faia ai?

Faafesootaʻi Molimau a Ieova i se maota e faia ai le Faamanatuga i lou vaipanoa.

Pe e totogi se tupe e auai ai?

Leai.

Pe e aoina ni peleti?

Leai. E matou te lē aoina ni peleti i a matou sauniga.—Mataio 10:8.

O ā laʻei e tatau ona fai?

E taumafai Molimau a Ieova ina ia onomea ma talafeagai o latou laʻei, e faaalia ai le faaaloalo mo lenei sauniga faapitoa.

O le ā e faia i le Faamanatuga?

E amata ma faaiʻu le sauniga i le usuina o se pese, ma se tatalo e faia e se faifeʻau Molimau a Ieova. O le a faia ai se lauga faale-Tusi Paia e faamatala ai le tāua o le maliu o Iesu, ma aogā e mafai ona tatou maua mai i le gaoioiga na faia e le Atua ma Keriso mo i tatou.

Mo nisi faamatalaga, tagaʻi i le mataupu “Aiseā e Ese ai le Auala e Faamanatu ai e Molimau a Ieova le Talisuaga a le Alii Mai i Isi Lotu?”

O ā aso o isi Faamanatuga i le lumanaʻi?

2026: Aso Tofi, Aperila 2

2027: Aso Gafua, Mati 22