Fiafia e Valaaulia Oe
Faamanatuga o le Maliu o Iesu
Aso Tofi, Aperila 2, 2026
E matou te valaaulia oe i ni faatasiga faapitoa se lua e aunoa ma se totogi
Lauga Faapitoa Faale-Tusi Paia
“O Ai o le a Toe Faaleleia le Lalolagi?”
Aʻoaʻo atili e faatatau i le lumanaʻi matagofie ua folafola mai mo tagata ma le lalolagi.
Faamanatuga o le Maliu o Iesu
I lenei sauniga tāua, e faamanatu ai e Molimau a Ieova le maliu o Iesu e pei ona ia faatonuina.—Luka 22:19.
Fesili e Masani Ona Lāgā
O ai e mafai ona auai?
E talia so o se tasi. E mafai ona auai uma le aiga.
O le ā le umi o le sauniga?
O le lauga faapitoa faale-Tusi Paia e 30 minute. E sosoo ai ma se talanoaga faale-Tusi Paia ma le aofia e tasi le itula.
O le sauniga o le Faamanatuga e pe tusa ma le tasi le itula.
O fea e fai ai?
Ina ia iloa le nofoaga e faia ai, oomi le vaega “Saʻili se Faamanatuga” pe “Saʻili se Lauga Faapitoa” o loo i le pito i luga.
E iai nisi mea e faatalitalia ou te faia pe a ou auai?
Leai.
Pe e aoina ni peleti?
Leai. E matou te lē aoina ni peleti i a matou sauniga.—Mataio 10:8.
O ā laʻei e fai?
E taumafai Molimau a Ieova e laʻei i se auala onomea ma talafeagai.
O le ā o le a faia i le Faamanatuga?
E amata ma faaiʻu le sauniga i le usuina o se pese ma le tatalo e faia e se faifeʻau Molimau a Ieova. O le a faia ai se lauga e faatatau i le tāua o le maliu o Iesu, ma aogā e tatou te maua mai i le mea na faia e le Atua ma Keriso mo i tatou.
Mo nisi faamatalaga, tagaʻi i le mataupu “Aiseā e Ese ai le Auala e Faamanatu ai e Molimau a Ieova le Talisuaga a le Alii Mai i Isi Lotu?”
O ā aso e fai ai isi Faamanatuga i le lumanaʻi?
2026: Aso Tofi, Aperila 2
2027: Aso Gafua, Mati 22
2028: Aso Sā, Aperila 9
Pe a e fia iloa atili, maimoa i vitiō nei.
Ia maimoa i le auala e faamanatu ai le maliu o Iesu, ma se faaataga o le lumanaʻi matagofie ua mafai ona maua ona o lona maliu.
Atonu na e faalogo na maliu Iesu mo a tatou agasala. Ae pe e mafai e le taulaga na faia e se tagata e toʻatasi ona maua ai e le faitau miliona o tagata aogā?
O ā Mea o Loo Faia i se Maota mo Sauniga?
Mātau mea o loo faia ai.
Ia kopi mai lenei valaaulia ma lolomi.