Hosei 7:1-16

  • Efireemi bunshe xawinsi (1-16)

    • Maganu woshshaadonni gatannohu dino (12)

7  “Israeele hursate woꞌnaalummo kiiro,Efireemi saonnaSamaariyu bunshe xawo fultanno. Korkaatuno insa doggannoreeti;Mooraano hiiqqite eꞌanno; shittootuno gobbaanni siꞌanno.  2  Insa kayinni bunshensa baala qaageemmota diwodanchitino. Xa loosinsa doyissinonsa;Assitinori baaluno albaꞌyaanni no.  3  Insa moote bunshensanni,Gashshaasineno awaawurshinsanni hagiirsiissanno.  4  Baalunku soorraasinete;Daabbo gananno manchi giira iibbishihu gedensaanni,Liisino bullee kaꞌa geeshsha giira iibbisha hasiissannokkite ruqaꞌnitino booso gedeereeti.  5  Mootenke jili barra, gashshaasine xiwantino;Qoleno woyne agge, hanqite fuu yitino. Isi arrassitannore jaalla assiꞌrino.  6  Insa booso giira gede ruqaꞌnino wodaninni shiqqanno.* Daabbo ganannohu hashsha woꞌma goxanno;Soodanno woyte booso noo giira wala yite bubbanno.  7  Baalunku booso giira gede ruqaꞌnitinoreeti;Gashshaanonsano* egemmitanno. Mootoollansa baala ubbino;Insa giddo ane woshshiꞌrannohu mittuno dino.  8  Efireemi dagate ledo karsamanno. Isi galchinoonnikki timi gedeeti.  9  Wosinu wolqasi xuuxe gudino; isi kayinni tenne diafino. Umisino awuuwe bulutta taino; isi kayinni tenne diwodanchino. 10  Israeeli booꞌna bunshesi leellishshino;Ikkollana kuni baalu ikke heeꞌreennanni, Maganinsa Yihowawa dihiggino;Isono dihasidhino. 11  Efireemi wodancha nookkite* gowwa lemboolcho gedeeti. Insa Gibitse woshshidhino; Asooriwano hadhino. 12  Insa martuwa baalawa, woshshaadoꞌya woreemmonsa. Iimi cea gede asseno uullara dirriseemmonsa. Songonsara oommo qorophishshi garinni seejjeemmonsa. 13  Anewiinni xooqqinona, insara aanneꞌe! Ane aana sao assitinona, bao daggannonsa! Ani woxxammonsara qixxaawe noommo; insa kayinni ane daafira kapho coydhino. 14  Daallasinsa aana heedhe diddannota agurranna,Kaaꞌleemmonsa gede woꞌmu wodaninni diwoshshidhinoe. Gidinsaranna haaro woynensara yite, biso huduuxxitanno;Insa anera finqiltino. 15  Qajeelsoommonsahanna jawaachishoommonsaha ikkirono,Insa bushare malte, anera finqiltino. 16  Insa doogo soorritino; kayinni gotti yiino coy widira diꞌꞌikkino;*Duuꞌrama hooge alaama soꞌrino digaani gede ammaꞌninannikkire ikkitino. Gashshaasinensa booꞌnaleessu arrawinsanni kainohunni bisetenni ganneenna reytanno. Konninni kainohunni Gibitsete gobbara arrassinannire ikkitanno.”

Lekkaalliidi Qaagiishshuwa

^ “Gano gante shiqqanno woyte wodaninsa booso giira gedeeti” yaano ikkara dandaanno.
^ Noo gedeenni tirriro, “Daanyootansano.”
^ Noo gedeenni tirriro, “wodana afidhinokkite.”
^ Luphi yitinota halaalu magansiꞌra haꞌrunsa hanaffinokkita leellishshanno.

Tenne borrota koppete qoosso