Hosei 2:1-23
2 “Labballo roduuwaꞌne, ‘Mannaꞌya!’*
Meya roduuwaꞌneno, ‘Maarroonnihe mancho!’* yiiyye.
2 Amaꞌne kassasse; ise galteꞌya ikkitinokki daafira,Anino minaannase ikkoommokki daafira, ise kassasse.
Foorrese* isewiinni,Soorroseno unuunise qarrinni hooꞌlito;
3 Gibburo mullicho gattanno gede asseemmose; ilantu barrite gedeeta asseemmose;Halalli gedeetannaWay nookki baatto asseemmose;Way gooꞌro shitannose gede asseemmo.
4 Oosose foorretenni* ilantinota ikkitino daafira,Insano dimaareemmo.
5 Korkaatuno amansa foortino.*
Insa godobbu mancho saalimale coye assitino; korkaatuno ise,‘Lubbora baxxannoeri hoode,Qoleno sagalenna waa,Geꞌrechu ordanni gannoonni uddano, shalaalatenni gannoonni uddano, zaytenna agatto uytannoeri hoode haꞌreemma’ yitino.
6 Konni daafira doogose utu huxxinni cufeemmo;Qoleno fultanno furcho afidhannokki gede,Qooxeessisera kinchu huxxa huxxeemmo.
7 Ise lubbora baxxannoseri hoode doddanno; kayinni diꞌꞌiillitannonsa;Insa hasidhanno kayinni diafidhannonsa.
Hakkiinni ise, ‘Agure muttaariꞌyawa* higeemma;Korkaatuno xaa heeshshoꞌyanni albiti woyyitannoe’ yitanno.
8 Gide, haaro woynenna zayte oommosehu,Qoleno Baꞌꞌaali magansiꞌrate horoonsidhanno birranna culka,Batise oommosehu ane ikkoommota dihuwattino.
9 ‘Hakko daafira, gideꞌya yannasira,Haaro woyneꞌyano woggasera haaꞌre hooleemmo;Teedase diphitannota geꞌrechu ordanni gannoonni uddanoꞌyanna shalaalatenni gannoonni uddanoꞌya hawulukeemmo.
10 Lubbora baxxannoseri albaanni teedase* gudise mulqeemmo;Angaꞌyanni gatisannosehu mittu manchino diheeꞌranno.
11 Hagiirrise, ayyaannase, haaro agannase,Sambatisenna ayyaannate woggase baala gattanno gede asseemmo.
12 “Lubbora baxxannoeri uytinoe baatooshshi konneeti” yite kuꞌlitannota,
Woynete haqqesenna balasete haqqese huneemmo;Qoleno dubbo asseemmo;Dubbu moychino itannonsa.
13 Baꞌꞌaali misillara kakkalo shiqishshu barri daafira,Cuuetenninna seesu uduunninni biiffe, lubbora baxxannoseri hoode hadhu barri daafira, xaꞌmeemmose;Ise ane habbinoe’ yaanno Yihowa.
14 ‘Konnira ise dogisiise ammansiiseemmo;Halallira qole massageemmose;Qoleno awu afiinni hasaawiseemmose.
15 Hatte yannanni kayse woynete irshase qoleemmose;Akoori Xeichono* hexxote waalcho asseemmose;Ise hakko anjese diri gede,Gibitsete gobbanni fultu barri gede ikkite dawaro qoltannoe.
16 Hakko barra’ yaanno Yihowa,‘Minaannaꞌya yite woshshattae; layinkita mootichaꞌya* yite diwoshshattae.’
17 ‘Baꞌꞌaali misilla suꞌma afiisenni huneemmo;Suꞌmansano layinkita diqaanganni.
18 Hakko barra insara yee dubbu saada ledo,Iima buubbanno ceanna uulla godowunni haꞌranno kalaqami ledo gondooro eꞌꞌeemmo;Digaana, bisenna ola gobbatenni huneemmo;Beꞌe yitukkinni heedhanno gede* asseemmonsa.
19 Hegerera idaychoꞌya assiꞌreemmohe;Keeraanchimmatenni, halaalunni,* ammanamino baxillinninnaMaarotenni idaychoꞌya assiꞌreemmohe.
20 Ammanamatenni idaychoꞌya assiꞌreemmohe;Atino addinta Yihowa afatta.’
21 ‘Hakko barra dawaro qoleemmo’ yaanno Yihowa;‘Ani gordoho dawaro qoleemmo;Gorduno baattote dawaro qolanno;
22 Baatto gideho, haaro woyneranna zaytete dawaro qoltanno;Insano Iyziraeelete* dawaro qoltanno.
23 Baattote aana umiꞌyara wixu gede asse wixeemmose;Qoleno maarroonnikkita* ise maareemmose;Mannaꞌya ikkitinokkire,* “Kiꞌne mannaꞌyaati” yeemmonsa;
Insano, “Ati Maganoꞌyaati” yitanno.’”
Lekkaalliidi Qaagiishshuwa
^ Woy “Maaeela assootese; Saalimale ikkitose.”
^ Woy “maaeelletenni; saalimale ikkitonni.”
^ Woy “maaeeltino (saalimale ikkitino).”
^ Woy “albi minaanniꞌyawa.”
^ Woy “siimase.”
^ Woy “Xeichaamo Xawono.”
^ Woy “Baꞌꞌaaliꞌya.”
^ Woy “goxxanno gede.”
^ Woy “taashshotenni.”
^ “Maganu Wixa Wixanno” yitanno tiro afiꞌrino.
