Hosei 5:1-15
-
Efireemiranna Yihudaho yinoonni yoo (1-15)
5 “Kiꞌne kakkalaano, tenne macciishshe;Kiꞌne Israeelete minino, macca wortine macciishshe;Kiꞌne mootete mini mannino macciishshe;Yoo kiꞌneno laꞌannotena;Korkaatuno kiꞌne Mitsiphara woshshaado,Taaboori diriirsinoonni woshshaado ikkitinoonni.
2 Halaalu doogonni fultinori* gudisidhe mundee dunate higgino;Anino baalanka qorophisiisanni noommo.*
3 Efireemi egennoommo;Israeelino anewiinni maaxaminoha diꞌꞌikkino.
Efireemi, xa ati foora ikkootto;*Israeelino isonooto batteessino.
4 Loosinsa Maganinsawa higgannokki gede assinonsa;Korkaatuno mereeronsa foorrete* ayyaani no;Qoleno insa Yihowa dinaaddino.
5 Israeeli booꞌna bunshesi leellishshino;Israeelino Efireemino assitino saonni gufidhino;Yihudano ledonsa gufiꞌrino.
6 Insa hoshshansanna saadansa adhite Yihowa hasidhara fultino;Ikkollana diafidhinosi.
Isi insawiinni xeertiꞌrino.
7 Insa Yihowa kaaddino;Korkaatuno wole gobba meento adhite ooso iltino.
Mittu agani giddo insano qeechinsano* egemmamanno.*
8 Gibia buudu xurumba, Raama siwiilu xurumba ufuuffe!
‘Biiniyaami, hoodekki heeꞌnoommo!’ yitinanni Beeti-aweeni qeexaaꞌle.
9 Efireemi, qorichishamatto barra bararraanqanniha ikkatto.
Israeelete gaꞌre mereero addinta may ikkannoro egensiisoommo.
10 Yihudu gashshaasine danna xiibbannori gedeeti.
Hanqoꞌya aanansa way gede asse duneemmo.
11 Efireemi gadadaaꞌmino; yinoonnisi yoono hiiqqitinosi;Korkaatuno isi baarigaarrasi hoode haꞌrate murciꞌrino.
12 Hakko daafira ani Efireemira bilete gede,Yihudu minirano daanillu gede ikkoommo.
13 Efireemi dhibbasi, Yihuduno madasi laiti,Efireemi Asoori haꞌri; jawu mooterano sokkaancho soqqi.
Ikkollana isi hursaꞌnera didandiino;Madaꞌneno hursa didandiino.
14 Ani Efireemira doobbiichu gede,Yihudu minirano wolqaataamu doobbiichi gede ikkeemmo.
Insa billa biinxa fushshe haꞌreemmo;Hawulukeemmonsa; gatisannonsahuno diheeꞌranno.
15 Loossino saora qoricha adhita geeshsha, haꞌre dargaꞌya higeemmo;Hakkiinni insa gaacheenaꞌya* hasidhanno.
Qarru giddora eꞌanno woyte, ane hasidhanno.”
