Hosei 13:1-16

  • Kaphu maganna magansiꞌrannohu Efireemi Yihowa hawino (1-16)

    • “Tee Reyo, iddattati wolqakki mama no?” (14)

13  “Efireemi coyiꞌranno woyte, mannu huxiꞌranno;Israeelete giddo isi maccaho. Ikkollana Baꞌꞌaali magansiꞌre sao assino daafira reyno.  2  Xaano insa cubbu aana cubbo leddanni no;Birrinsannino siwiilu misilla* seekkidhanno;Ogimmatenni kaphu maganna seekkidhanno; magannansa baala ogeessu seekkinote. ‘Kakkalo shiqishanno manni siitta sunqo’ yite insara coydhanno.  3  Hakko daafira insa soodo guunjo gedennaBaychonko baꞌꞌanno loji gede ikkitanno;Qoleno hambabalatte ayiddummetenni fiite adhite hadhanno galawi gedennaMinu caakko widoonni fulte hadhanno wiliile gede ikkitanno.  4  Ikkollana Gibitsete gobbanni kayse ani Maganokki Yihowaati;Ane agurranna wole Magano diegennootto;Qoleno ane agurranna wolu gatisaanchi dino.  5  Halalla moollete gobbara towaatoommohe.  6  Hayissote gobbansara itte duubbu;Duubbuta, wodaninsa booꞌni. Hakko daafira habbue.  7  Konnira doobbiichu gede,Doogote qaccera duge agaranno dagunchi gede ikkeemmonsa.  8  Qallose adhinoonni dibi gede ikke dayemmonsa;Gagasonsano daraanqeemmo. Hakko doobbiichu gede egemmeemmonsa;Dubbu moychino diddishannonsa.  9  Israeeli, anera finqilootto daafira,Kaaꞌlaanchikkirano shittootto daafira, hunannohe. 10  ‘Mootenna gashshaasine uyie’ yootto;Ikkina katammakki baalate giddo gatisannohe gede,Mootekki mama nooyya? Gashshaasinekkino* mama no? 11  Anino hanqe moote oommohe;Jawu hanqiꞌyanni haaꞌre hooleemmosi. 12  Efireemi sao usurre worroonni;*Cubbisino duunamino. 13  Game amaddino mancho gede ikkanno. Isi kayinni hayyicha beetto diꞌꞌikkino;Ilamanno yanna iillitanno woyte dargaho dianfannisi. 14  Waammate* anganni woxxeemmonsa;Reyotennino gatiseemmonsa. Tee Reyo, iddattati wolqakki mama no? Waamma, hunatta wolqakki mama no? Ikkollana mararro illeꞌyanni goꞌlitanno. 15  Haqalu mereero injeennasi lophiro nafa,Soojjaati bubbe yaano Yihowa bubbe dagganno;Way balesi mooltanno gedenna buesi xoꞌanno gede assitara halallinni dagganno. Muxxe ikkino coye baalano miinju minisinni mulqitanno. 16  Samaariyu Maganisira finqilino daafira, xaꞌmamanno. Insa bisetenni gooffanno;Qaaqquullinsa xinxiqo fultanno;Godowinni noo meentinsa godowino dadhamanno.”

Lekkaalliidi Qaagiishshuwa

^ Woy “daashshine seekkinoonni hawultuwa.”
^ Noo gedeenni tirriro, “Daanyootikkino.”
^ Woy “maareekkinoonni.”
^ Woy “Sioolete.” Mannu ooso baalate waamma xawisanno. Qaallate Tiro lai.

Tenne borrota koppete qoosso