Hosei 6:1-11
6 “Amme, Yihowawa hingona;Isi diddiginonke; ikkirono hursannonke.
Isi ganinonke; ikkirono madanke hoccunni usuranno.
2 Lamu barri gedensaanni baqqi assannonke.
Sayikki barra kaysannonke;Ninkeno albasiinni lubbote heeꞌneemmo.
3 Yihowa anfeemmo; iso afateno diinaggaambeemmo.
Isi fula, soodo xawaabbi gede huluullammannikkite;Isi biite xeeni gede ikke,Qoleno baatto duushshannohu badheessu xeeni gede ikke ninkewa daanno.”
4 “Efireemi, ate hiissummoro woyyanno?
Yihuda, ate hiissummoro woyyanno?
Ammanamino baxilliꞌne soodimaru guunjo gede,Qoleno baychonko baꞌꞌanno loji gede ikkinona.
5 Konninni kainohunni masaalaanote widoonni murmureemmonsa;Afiiꞌya qaalinnino sheemmonsa.
Kiꞌnera yeemmo yoono xawaabbu gede ikkite waraꞌa yitanno.
6 Kakkalontenni ammanamino baxilli,*Gudinse shilqinshanni kakkalonni Magano afa hagiirsiissannoena.
7 Insa kayinni mullu manni gede gondooro diiggino.
Insa hakko ane kaaddino.
8 Giiliyaadi bunshe assanno manni katamaati;Katamu mundeetenni beco baino.
9 Kakkalaasinete gaamo, manna dugge mulqidhanno shittooti gedeeti.
Insa Sekeemi doogora manna shitanno;Saala diafidhinoreeti.
10 Israeelete mine biso shorodhi assannore laoommo.
Efireemi hakko fooranno;Israeelino isonooto batteessino.
11 Ikkollana Yihuda, qafadamino mannaꞌya qoleemmo woytira,Mido qixxeessine heeꞌnoonnihe.”
Lekkaalliidi Qaagiishshuwa
^ Woy “maaro.”
