¿Kay killasmanta Torremanta Qhawaj revistasta leerqankichu? ¿Kay tapuykunaman kutichiyta atiwajchu?

Forastero tatas wawasninkuta yanapanankupaj, ¿imajtintaj wawasninkoj parlayninkupi Diosmanta yachachinanku kanman?

Imajtinchus wawasqa waj parlaypi mana entiendeyta atillankumanchu. Chayrayku tatasqa allinta ajllananku tiyan mayqen congregacionmanchus rinankuta. Chaypajqa wawasninkoj allinninkuta maskʼananku tiyan. Chantapis wawas iskay parlaykunata yachakojtinkoqa, sumajta predicayta atenqanku (w17.05, páginas 9-11).

¿Jesús imatataj yachayta munarqa, Pedrota ‘kaykunamanta astawanchu munakuwanki’, nispa tapushajtin? (Juan 21:15)

Jesusqa yachayta munarqa, Pedro paytachus astawan munakusqanta chayri pescadota japʼiytachus. Imajtinchus Pedroqa Jesús wañuymanta kausarimunanpaj pescadosta japʼiyman qokusharqa. Noqanchejpis sumajta qhawarikunanchej tiyan, imatachus ñaupajman churashasqanchejta (w17.05, páginas 22, 23).

¿Imaraykutaj Abrahán warminman nerqa hermanan kasqanta ninanta? (Gén. 12:10-13)

Imaraykuchus Sara, Abrahán qosan kasqanta ninman karqa chayqa, Abrahanta wañuchinkuman karqa. Jinamantataj Dios imatachus Abrahanman nisqan mana juntʼakunmanchu karqa. Diosqa Abrahanman nerqa miraynin ashkha kananta. Chantapis Saraqa tatanmanta Abrahanpa hermananpuni karqa (wp17.3, páginas 14, 15).

¿Imajtintaj Diospa Palabran Bibliata tijrachejkunaj sutisninku mana yachakunchu?

Imajtinchus chay Bibliata ruwajkunaqa, mana munankuchu sutisninku yachakunanta. Astawanqa Diospa sutin jatunchasqa kananta munanku. Reparankutaj Bibliata waj parlayman maychus kajta tijracheyqa, manchay jatun ruway kasqanta (wp17.4, página 10).

¿Allillanchu kanman cristianos pistolayoj chayri escopetayoj kananku runasmanta jarkʼakunankupaj?

Chaypajqa yuyarikunanchej tiyan, Diosqa kausayta may jatunpaj qhawasqanta. Jesuspis nerqa: “Espadata oqharejkunaqa, espadallawantaj wañuchisqa kanqanku”, nispa (Luc. 22:36, 38). Chayrayku Diospa kamachisnenqa, espadasninchejta rejasman tukuchinchej. Wajkunaj allinninkutataj maskʼanchej. Chantapis Bibliaj nisqanman jina kausakunapaj kallpachakunchej (2 Cor. 4:2) (w17.07, páginas 31, 32).

¿Imaraykutaj Mateowan Lucaswan mana kikintapunichu qhelqarqanku Jesús wawallaraj kashajtin imaschus kasqanmanta?

Imaraykuchus Mateoqa Josemanta astawan parlarqa, Lucastaj Mariamanta. Mateo qhelqasqanman jina, nin Joseqa, María onqoj kasqanta yachaytawan Mariamanta divorciakuyta munasqanta. Nillantaj, uj ángel Joseta Egiptoman familianwan ayqenankuta nisqanta, chantá Israelman kutinpunankuta nisqantapis. Lucas qhelqasqanman jinataj, nin María, Elisabetwan tinkumusqanta. Nillantaj imatachus María, Jesusman nisqanta 12 watasniyoj kashajtin (w17.08, página 32).

Watas pasasqanman jina, ¿runas Bibliata leeyta atillarqankuchu?

Mana, imajtinchus runasqa hebreota, griegotawan manaña unay tiempopi jinachu entiendej kanku. Wakin gobiernostaj waj suyusta japʼikapusqankurayku, runasta tanqarqanku waj parlayta yachakunankupaj. Chantapis curasqa mana saqerqankuchu Biblia waj parlayman tijrachikunanta (w17.09, páginas 19-21).

¿Sapa uj runatachu uj ángel jarkʼan?

Mana. Jesusqa yachachisqasninman nerqa, “cielopi kaj angelesninkoqa”, Tatanpa ñaupaqellanpipuni kashasqankuta (Mat. 18:10). Chayta nispa Jesusqa, mana nisharqachu sapa runata uj ángel jarkʼashawasqanchejta. Manaqa ángeles Diospa kamachisninta yanapashasqankuta (wp17.5, página 5).

¿Imaynatá Dios jina runasta munakusunman?

Dios jina runasta munakunapajqa, mana simillamantachu munakunanchej tiyan, manaqa ruwasqanchejpi yachakunan tiyan. Ajinata ruwaspaqa Diospa yuyaychasqanman jina ruwasunchej (w17.10, página 7).