LÈS 33
Kiko e Reino di Dios Lo Logra?
E Reino di Dios ta gobernando kaba. Pronto lo e trese kambio grandi na tera. Laga nos trata algun kos ku lo bo por disfrutá di dje bou di e Reino di Dios.
1. Kon e Reino di Dios lo trese pas i hustisia na tera?
Komo Rei di e Reino di Dios, Hesus lo destruí tur hende malbado na e guera di Armagedon. (Revelashon 16:14, 16) Na e tempu ei, e siguiente promesa di Beibel lo kumpli kompletamente: “Djis akí, lo no tin hende malbado mas.” (Salmo 37:10) Mediante e Reino di Dios, Hesus lo hasi sigur ku lo tin pas i hustisia riba henter tera.—Lesa Isaías 11:4.
2. Kon bida lo ta ora Dios su boluntat kumpli riba tera?
Bou di gobernashon di e Reino di Dios, “hende hustu lo heredá tera, i nan lo biba riba dje pa semper.” (Salmo 37:29) Imaginá bo un mundu asina! Tur hende riba tera lo ta hustu, i nan lo stima Yehova i otro hende. Niun hende lo no bira malu i tur hende lo biba pa semper.
3. Kiko e Reino di Dios lo logra despues ku destruí tur hende malbado?
Hesus lo goberná komo Rei pa 1.000 aña despues ku hende malbado ser destruí. Durante e tempu ei, Hesus i e 144.000 personanan ku lo goberná huntu kuné lo yuda hende riba tera bira perfekto. Na final di e periodo di mil aña, henter tera lo ta un bunita paradeis i tur hende lo ta felis pasobra nan ta obedesé e leinan di Yehova. Despues, Hesus lo entregá e Reino bèk na su Tata, Yehova. Yehova su “nòmber [lo ser] santifiká” manera nunka promé. (Mateo 6:9, 10) Na e tempu ei, lo ta bisto ku Yehova ta un bon Gobernante i ku e ta kuida hende ku ta bou di su gobernashon. Despues, Yehova lo destruí Satanas, e demoñonan i kualke otro persona ku ke rebeldiá kontra Su gobernashon. (Revelashon 20:7-10) Tur loke e Reino di Dios logra lo dura pa semper.
KIKO MAS NOS POR SIÑA?
Laga nos wak dikon nos por tin sigur ku Dios lo usa su Reino pa kumpli ku tur loke Beibel ta primintí pa futuro.
4. E Reino di Dios lo kaba ku gobernashon humano
Beibel ta bisa: “Hende ta dominá hende, i esei ta kousa sufrimentu.” (Eklesiástes 8:9) Yehova lo usa su Reino pa kaba ku tur inhustisia ku gobernashon humano a kousa.
Lesa Dánièl 2:44 i 2 Tesalonisensenan 1:6-8. Despues, analisá e siguiente preguntanan:
-
Kiko Yehova i su Yu, Hesus, lo hasi ku gobièrnu humano i e hendenan ku ta apoyá e gobièrnunan ei?
-
Di loke bo a siña tokante Yehova i Hesus, dikon bo por ta sigur ku loke nan lo hasi ta hustu?
5. Hesus ta e mihó Rei ku por tin
Komo Rei di e Reino di Dios, Hesus lo yuda hende ku ta biba riba tera na vários manera. Pasa e VIDIO pa wak kon Hesus a demostrá ku e ke yuda hende i ku Dios a dun’é poder pa hasi esei.
E milagernan ku Hesus a hasi tempu ku e tabata riba tera ta mustra kiko e Reino di Dios lo hasi den futuro. Kua di e bendishonnan menshoná aki bo tin mas gana di mira kumpli? Pa siña mas tokante e bendishonnan ei, lesa e tekstonan ku tin nan tras.
|
TEMPU KU HESUS TABATA RIBA TERA, . . . |
FOR DI SHELU, HESUS LO . . . |
|---|---|
|
|
|
|
|
|
|
|
6. E Reino di Dios lo trese un futuro maravioso
Pa medio di e Reino di Dios, Yehova lo kumpli ku e propósito ku e tabatin for di prinsipio pa hende. Nan lo biba pa semper den Paradeis riba tera. Pasa e VIDIO pa wak kon Yehova ta usa su Yu, Hesus, pa kumpli ku su propósito.
Lesa Salmo 145:16. Despues, analisá e siguiente pregunta:
-
Kon bo ta sinti bo awor ku bo sa ku Yehova lo “satisfasé deseo di tur ser bibu”?
LOKE HENDE SA BISA: “Si nos tur traha huntu, nos por solushoná e problemanan di mundu.”
-
Menshoná algun problema ku e Reino di Dios lo solushoná ku gobernashon humano no por solushoná.
RESÚMEN
E Reino di Dios lo kumpli ku Dios su boluntat. E Reino di Dios lo hasi henter tera un paradeis kaminda hende hustu lo adorá Yehova pa semper.
Repaso
-
Kon e Reino di Dios lo santifiká òf hasi Yehova su nòmber limpi?
-
Dikon nos por tin sigur ku e Reino di Dios lo kumpli ku e promesanan ku tin den Beibel?
-
Di tur e bendishonnan ku e Reino di Dios lo trese, kua di nan bo tin mas gana di mira kumpli?
MAS INFORMASHON INTERESANTE
Lesa e artíkulo akí pa haña sa kiko Armagedon ta.
Lesa loke lo sosodé durante i despues di e reinado di mil aña di Hesus.
“Kiko Lo Sosodé Riba e Dia di Huisio?” (E Toren di Vigilansia di 1 di òktober 2012)
Wak kon un famia ta imaginá nan mes huntu den Paradeis.
Pa wak kon un hòmber ku tabata kontra e sistema polítiko di su pais a haña e solushon ku e tabata buska, lesa e artíkulo “Mi Tabatin Hopi Pregunta.”
“Beibel Ta Kambia Bida di Hende” (E Toren di Vigilansia di 1 di yanüari 2012, na spañó)
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
