SAY PANAG-BANTAYAN—PANARALAN YA EDISYON Pebrero 2017
Walad sayan isyu iray aaralen ya artikulo parad Abril 3-30, 2017.
Seguradon Nasumpal so Gagala nen Jehova!
Antoy gagala na Dios parad dalin tan totoo? Akin et agnin tampol asumpal? Akin ya say dondon bagat nen Jesus so angilukas na dalan pian nagawa so linawa na Dios?
Say Dondon—“Sankaabigan a Regalo” ya Nanlapud Ama
Sayan uksoyan na Dios et aglabat angiter na marakdakep iran pankanawnawa, noagta solusyonan to met iray importantin isyu ed uniberso.
ISTORYAY BILAY
Aminpiga Min Naeksperiensya so Agnaparaan ya Kaabigan na Dios
Naeksperiensya nen Douglas tan Mary Guest so agnaparaan ya kaabigan na Dios nen nampayunir irad Canada tan nen nanmisionero rad Brazil tan Portugal.
Iwawanwan nen Jehova Iray Totoo To
Nensaman, inusar nen Jehova iray totoo ya mangiwanwan ed totoo to. Antoy prueba ya talagan tutulongan to irayan indibidual?
Siopay Mangidadaulod Totoo na Dios Natan?
Impromisa nen Jesus tulongan to ray papatumbok to anggad kaunoran a parte na sistema na mundo. Panon ton iwawanwan so totoo na Dios ed dalin natan?
Tepetepet na Saray Manbabasa
Insulat nen apostol Pablo ya si Jehova et “agto abuloyan a nipaarap kayod tukso ya agyo nayarian.” Kasin labay ya ibaga na saya ya aamtaen la nen Jehova no anto ray nasarag tayo insan manpili na saray subok ya arapen tayo?
INALAD DAAN IRAN KOLEKSION MI
“Anggapoy Mairap odino Andukey ya Biahe”
Nen bandad sampot na 1920’s tan diad gapo na 1930’s, determinado iray makukulin payunir ya ipasabi so maong a balita na Panarian na Dios diad maaw-awang ya kadesiertoan na Australia.
