Kasin no maminsan et nawewetwet ka tan kaukolan moy panangiwanwan? Si Jesu-Kristo so inter na Dios a Lider a kaukolan na amin a too. Onia so inkuan to: “Siak so maong a pastol, et kabat ko so saray kayarian ko, tan saray kayarian ko kabat da ak.” (Juan 10:14) Talaga ta’n kabat mo so Maong a Pastol? Kasin antam no anto iray kalidad to, say mensahe tan kimey to, say inkaseseg to, say panangaro to? Sayan libro so ontulong ed sika pian lalom a nakabat tan natumbok a maong si Jesus.