Sayan website et ontulong ed sika pian mas dakel so naamtaan mo nipaakar ed Dios, say Biblia, tan Saray Tasi nen Jehova. Basaen, bantayan, tan i-download iray wadia ya makapainteres ed sika. Labay mi met ya minabang so arum ed sayan website, balet agmo kokopyaen iray wadia tan iyan ed arum ya website odino application. Sarag mon i-share ed arum so naaralan mo diad pangipaamtam ed sikara ya onlad sayan website base ed saray walad Kondisyon ed Pangusar ya nabasa ed leksab.

•  Copyright

•  Trademark

•  Kondisyon ed Pangusar tan Permiso ed Pangusar na Website

•  Medikal ya Seksion

•  No Agnaunor Iray Kondisyon ed Pangusar

•  Pananguman

•  Ley tan No Siopay Walaan na Autoridad

•  Pangibiig

•  Interon Paknaan

© 2019 Watch Tower Bible and Tract Society of Pennsylvania. All rights reserved.

Sayan website et im-publish tan mimintinaen na Watchtower Bible and Tract Society of New York, Inc. (“Watchtower”). Amin ya akasulat tan impormasyon ed sayan website et kayarian na Watchtower Bible and Tract Society of Pennsylvania, Inc. (“Watchtower”) puera labat no sananey so akaiyan.

Say Adobe, logo na Adobe, Acrobat, tan say logo na Acrobat et trademark na Adobe Systems Incorporated. Say Apple, iTunes, tan iPod et trademark na Apple Inc. Say Microsoft, Microsoft logo tan arum ni ran software tan product na Microsoft, kaiba lay Microsoft Office and Microsoft Office 365, et trademarks na Microsoft Inc. Saray arum nin trademark tan rehistradon trademark et kayarian na saray akanggawa.

 Sarayan Kondisyon ed Pangusar so nepeg mon unoren ed pangusar ed sayan website. Diad pangusar mod sayan website, aawaten mo so amin ya wadiad sarayan Kondisyon ed Pangusar, kaiba lay Kaaruman Iran Kondisyon ed Pangusar (say tawag et “Kondisyon ed Pangusar”) ya walad sayan website. No agka mipakna ed sarayan Kondisyon ed Pangusar odino antokaman a kaibad sarayan Kondisyon ed Pangusar, agmo nepeg ya usaren iyan website.

Panon so manepeg a pangusar? Diad pangunor ed saray restriksion ya walad leksab, sarag moy:

• Mannengneng, man-download, tan man-print na aka-copyright ya artwork, electronic iran publikasyon, musika, litrato, artikulo, o saray video ed sayan website parad personal ya usar mo tan ag-usaren parad negosyo.

• Mangi-share na saray link o electronic iran kopya na in-download iran publikasyon, video, o audio ya walad sayan site.

Agmo nayarin:

• I-post iray artwork, electronic iran publikasyon, trademark, musika, litrato, video, o artikulo na sayan website diad Internet (ed antokaman ya website, file-sharing site, video-sharing site, o social network).

• Ibunog iray artwork, electronic iran publikasyon, trademark, musika, litrato, artikulo, o video na sayan website a kaiba odino bilang kabiangan na antokaman ya software application (kaibay pan-upload na saray wadia ed server pian usaren ed software application).

• Kopyaen, aligen, ibunog, o usaren so antokaman ya artwork, electronic iran publikasyon, trademark, musika, litrato, artikulo, o video na sayan website parad negosyo odino pabayaran mo ed arum (anggano anggapoy tubo).

• Usaren ed pangibunog so antokaman ya software, tool, o technique ya denesinyo pian mankolekta, mankopya, man-download, man-extract, o man-scrape na data, HTML, image, o text manlapud sayan site. (Agkaiba dia so pangibunog na libre, aliwan parad negosyon application ya denesinyo pian man-download na saray electronic files singa say EPUB, PDF, MP3, tan MP4 file) manlapud public area na sayan site.)

• Usaren ed aliwa so website odino saray serbisyo na satan, singa say pibabali odino pan-access ed website odino saray serbisyo na satan ya usaren so arum ya metodo likud nid saray nibaga la.

• Usaren iyan website diad paraan ya pansengegan, odino nayarin pansengegan na pakaderal na website odino agla itan na-access na arum; odino diad antokaman ya paraan ya kontra ed ley, ilegal, panagloko, makaderal, odino diad antokaman ya walay koneksion to ed gagala odino aktibidad ya kontra ed ley, ilegal, panagloko, o makaderal.

• Usaren iyan website o antokaman ya artwork, electronic iran publikasyon, trademark, musika, litrato, artikulo, o video na sayan website pian manlako na antokaman.

 Say karga na medikal ya seksion na sayan website (“Medikal ya Seksion”) et parad impormasyon labat, aliwan pian mangiter na medikal ya advice, tan ag-iya ginawa pian onsalat ed advice, pan-eksamin, o pantambal na saray propesyonal ed medisina. Say Medikal ya Seksion et agmangirerekomenda o mangi-endorso na pan-eksamin, doktor, produkto, paraan, opinyon, o arum nin impormasyon ya nayarin abitla ed Medikal ya Seksion.

Naynay ya onkerew na advice ed doktor o arum nin propesyonal ed medisina no wala ray tepet mo nipaakar ed medikal ya kondisyon o panagtambal.

Sayan website et pansasagpotan ton ikarga iray susto tan balon impormasyon diad Medikal ya Seksion. Balet, anggapoy garantiya ya saray impormasyon ed Medikal ya Seksion et napanmatalekan ya medikal ya advice. Anggapoy garantiya ya saray impormasyon ya walad Medikal ya seksion et naabot toy iilaloan na saray manbabasa tan anggapoy eebatan na sayan website ed antokaman ya reklamo a say impormasyon ya wadia et aliwan matukoy ed antokaman ya gagala. Aggagarantiyaan na sayan website ya saray impormasyon ya walad Medikal ya seksion et napanmatalkan, susto, balo, mausar, o kompleto. Anggapoy eebatan o responsabilidad na sayan website no alingo o kulang iray karga na Medikal ya seksion. Agresponsabilidad na sayan website so antokaman ya resulta na panmatalek mo ed impormasyon ya walad Medikal ya Seksion. Anggapoy eebatan na sayan website ed antokaman ya reklamo o danyos (kaiba so amin a klase na danyos, inkarisgo/impatey, inkalugi, o arum nin reklamo lapud abalang ya data o tinmundan negosyo) ya resulta na impangusar o ag-impangusar ed Medikal ya Seksion, anggano saraya et base ed warranty, kontrata, o arum nin kaso, tan anggano sayan website et binagaan o agbinagaan nipaakar ed posibilidad na saratan ya reklamo o danyos.

 Diad paraan ya agnaapektoay arum ya kanepegan na Watchtower ya walad sarayan Kondisyon ed Pangusar, no agmo unoren irayan Kondisyon ed Pangusar ed antokaman ya paraan, nayarin manggaway aksion so Watchtower depende ed no antoy moriaen na Watchtower ya manepeg a gawaen lapud ag-inyunor, kaibad satan so pansuspendi ed access mod website, pangisebel ed access mod website, pangi-block ed saray computer ya manguusar ed IP address mo pian agda na-access so website, pankontak ed Internet service provider mo pian i-block day access mod website tan/odino nakasoan ka.

 Nayarin wala ray panaon ya umanen na Watchtower irayan Kondisyon ed Pangusar. Onepekto so nauman ya Kondisyon ed Pangusar diad pangusar ed sayan website manlapud petsa na impangi-publish ed nauman ya Kondisyon ed Pangusar ed sayan website. Ipangasin regular ya nengnengen iyan pahina pian nasegurom ya antam so sankabaloan ya bersion.

 Sarayan Kondisyon ed Pangusar et nepeg ya unoren tan talosan unong ed saray ley na State of New York, U.S.A., anggano wala ray pidumaan na satan ed arum ya ley. Antokaman ya kaso ya mikonektaan ed sarayan Kondisyon ed Pangusar et nepeg ya ipalima ed state odino federal court ya walaan na autoridad ed State of New York, U.S.A.

 No nandesisyon so korten walaan na autoridad ya wala ray probisyon ed sarayan Kondisyon ed Pangusar ya ag-onaplika, imposiblin nipaakseb, odino ilegal, siansia nin onepekto so arum ya probisyon. No bilang agnipaakseb na Watchtower so antokaman ya probisyon na sarayan Kondisyon ed Pangusar, agto labay ya ibagan inekal da la itan ya probisyon odino isusuko da lay kanepegan dan ipaakseb itan ya probisyon.

 Sarayan Kondisyon ed Pangusar so interon nampaknaan mo tan na Watchtower diad pangusar mod sayan website, tan salatan na saya so amin ya datin paknaan nipaakar ed pangusar mod sayan website.