(Taem: 39:40)

Jisas i tijim Nikodimas mo wan woman Sameria. Mo tu, hem i tijim ol man Nasaret we sam oli glad be samfala oli no glad. Long Episod ya i gat ol haf ya:

• Jisas i eksplenem long Nikodimas olsem wanem man i bon long wota mo long tabu spirit (Jon 3:1-13)

• Pikinini blong man i mas hang antap olsem snek ya long draeples we Moses i putum long wan stik mo i leftemap (Jon 3:14, 15)

• God i sanem stret pikinini blong hem wan nomo we hem i gat, i kam, i no blong jajem ol man long wol, be blong sevem olgeta (Jon 3:16-21)

• Ol laswan tok we Jon i talem blong tokbaot Jisas (Jon 3:22-30)

• Man we i soemaot se i bilif long Pikinini ya we i kamaot antap, hem i save kasem Laef we i no save finis (Jon 3:31-36)

• Jon i kalabus (Mak 6:17-20; Matiu 4:12; 14:3-5; Luk 3:19, 20)

• Jisas i taed tumas mo i kamtru long wel blong Jekob long Saeka, long Sameria (Jon 4:1-6)

• Jisas i stat blong storian wetem wan woman Sameria (Jon 4:7-15)

• Jisas i tokbaot tru wosip long woman Sameria ya (Jon 4:16-24)

• Jisas i talem long woman Sameria ya se hem nao i Mesaea (Jon 4:25, 26)

• Woman Sameria ya i go talemaot nius ya long ol narafala man (Jon 4:27-30)

• Jisas i komperem wok blong God se i olsem kakae; hem i stap tokbaot ol man we oli glad blong lesin long gud nius (Jon 4:31-38)

• Plante man Sameria oli bilif long Jisas olsem “sevia blong ol man long wol” (Jon 4:39-42)

• Jisas i stat blong prij long Galili (Jon 4:43-45; Mak 1:14, 15; Matiu 4:17; Luk 4:14, 15)

• Jisas i hilim boe blong wan haeman long Kena, long Galili (Jon 4:46-54)

• Oli man Nasaret oli agensem Jisas (Luk 4:16-30)

• Jisas i go long Kapaneam (Matiu 4:13-16)

• Merikel ya we oli kasem plante fis; Jisas i singaot ol faswan disaepol blong hem (Luk 5:1-11; Matiu 4:18-22; Mak 1:16-20)