(Amamineti 39:40)

Yesu ashimikila Nikodemo, umwanakashi umwina Samaria, e lyo na bantu abaleikala mu musumba wa Nasarete, bambi bamutetekela e lyo bambi bakana ukumutetekela. Muli iyi vidio muli naya amalyashi:

• Yesu alondolwela Nikodemo ifyo cipilibula ukufyalwa ku menshi na ku mupashi (Yohane 3:1-13)

• Yesu alanda ukuti Umwana wa muntu bali no ku mwimya nga filya Mose aimishe insoka ilyo bali mu matololo (Yohane 3:14, 15)

• Lesa atumine umwana wakwe uo atemwa pa kuti apusushe abantu, tamutumine ku kwisa mu kubapingula (Yohane 3:16-21)

• Ifyo Yohane alekelesheko ukulanda pali Yesu (Yohane 3:22-30)

• Ukucetekela Umwana uwafuma ku muulu, kulalenga abantu baba no mweo wa muyayaya (Yohane 3:31-36)

• Yohane bamukaka (Marko 6:17-20; Mateo 4:12; 14:3-5; Luka 3:19, 20)

• Yesu afika pa cishima ca kwa Yakobo icali mu musumba wa Sukuri mu Samaria ninshi nanaka (Yohane 4:1-6)

• Yesu alanshanya no mwanakashi umwina Samaria (Yohane 4:7-15)

• Yesu asambilisha umwanakashi umwina Samaria pa kupepa kwa cine (Yohane 4:16-24)

• Yesu asokolwela umwanakashi umwina Samaria ukuti e wali Mesia (Yohane 4:25, 26)

• Umwanakashi umwina Samaria aebako abantu bambi pali Kristu (Yohane 4:27-30)

• Yesu alinganya ifya kulya ku kucita ifyo Lesa afwaya; alanda na pa kusombola (Yohane 4:31-38)

• Abena Samaria abengi bacetekela ukuti Yesu “e mupusushi wa calo” (Yohane 4:39-42)

• Yesu atendeka ukushimikila mu Galili (Yohane 4:43-45; Marko 1:14, 15; Mateo 4:17; Luka 4:14, 15)

• Yesu aundapa umwana wa mubomfi wa kwi sano mu Kana ya mu Galili (Yohane 4:46-54)

• Yesu ba mukana mu Nasarete (Luka 4:16-30)

• Yesu aya ku Kapernahumu (Mateo 4:13-16)

• Baipaya isabi ilingi mu cisungusho; Yesu akwata abasambi bakubalilapo (Luka 5:1-11; Mateo 4:18-22; Marko 1:16-20)