Imbila Nsuma ya kwa Yesu
Sambilileni na Fimbi pali Yesu Kristu Umwana wa kwa Lesa kabili Umupusushi wa bantunse, muli aya amavidio.
Imbila Nsuma ya kwa Yesu—Ifyaba Muli aya Amavidio
Tambeni aya amavidio ayasuma nga nshi pa kuti mumfwikishe ifyaba mu mabuuku ya Mbila.
VIDIO NA. 1
Ulubuuto lwa Cine Ulwa Calo
Yosefe na Maria babapeela umulimo uwacindama uwa kukusha Yesu umwana uwaibela.
VIDIO NA 2
“ Uyu E Mwana Wandi”
Yohane Kabatisha abilisha ukwisa kwa kwa Mesia. Yesu atendeka ukubomba umulimo wa kubila imbila nsuma.
VIDIO NA. 3
“Nine Wine”
Yesu ashimikila Nikodemo, umwanakashi umwina Samaria, e lyo na bantu abaleikala mu musumba wa Nasarete, bambi bamutetekela e lyo bambi bakana ukumutetekela.
VIDIO NA. 4
“E co Naishila”
Yesu aundapa abalwele, afumya ifibanda, apanga abasambi, kabili asala abatumwa 12.
VIDIO NA. 5
“Balipapile Imisambilishishe Yakwe”
Pa numa ya kundapa abantu abengi nga nshi, Yesu alanda ilyashi ilyaishibikwa sana ukuti ilyashi lya pa lupili.
VIDIO NA. 6
“Bushe Niwe Uli no Kwisa?”
Yesu abuusha umwana umwaume uwa kwa mukamfwilwa, Yesu alesambilisha abantu ukubomfya ifilangililo ifya-anguka, alanda na pa calelenga abantu baya mu kukutika kuli ena.
Imbila Nsuma ya kwa Yesu—Vidio Iilelanga Ifyaba Muli aya Amavidio
Tambeni iyi vidio iipi, iilelanga ifyaba muli aya mavidio ayalenga twaumfwikisha ifyaba mu mabuuku ya Mbila Nsuma.
