Imbila Nsuma ya kwa Yesu—Ifyaba Muli aya Amavidio
AMAVIDIO YA MBILA NSUMA YA KWA YESU
Vidio Iilelanga Ifyaba Muli aya Amavidio
Aya Amavidio Yaba mu Ndimi Ukucila Pali 500
Aya amavidio yalalenga abantu mwi sonde lyonse baishiba ifyo Yesu alesambilisha, mu lulimi lwabo
Amashiwi Ayaba Muli aya Amavidio Yafuma mu Baibo
Amashiwi yali muli aya amavidio bayafumishe mwi buuku lya kwa Mateo, Marko, Luka na Yohane
Balifwailishe Ifyebo
Balifwailishe pa myaka iingi pa kuti bashininkishe ukuti ifyo balabika muli aya amavidio fya cine
Amavidio
Muli aya amavidio mwaliba amashiwi ayalondolola ifiletambika. Abashimona na bashimwenekesha kuti bakutika ifi fyebo pa kuti beshibe ifilecitika muli vidio.
VIDIO NAMBA 1
Yehova apeela Yosefe na Maria umulimo wa kukusha Yesu, umwana uwaibela.
VIDIO NAMBA 2
Yohane Kabatisha abilisha ukuti Mesia ali no kwisa. Yesu atendeka ukubomba umulimo wakwe.
VIDIO NAMBA 3
Yesu asambilisha Nikodemo, umwanakashi umwina Samaria e lyo na bantu ba mu Nasarete, bamo bakutika ifyo alesambilisha e lyo bambi bakaana.
VIDIO NAMBA 4
Yesu aundapa abalwele, afumya ifibanda mu bantu, alenga abantu baba abasambi kabili asala abatumwa bakwe 12.
VIDIO NAMBA 5
Pa numa ya kundapa abantu abengi, Yesu alanda Ilyashi lya pa Lupili, ilyaishibikwa sana
VIDIO NAMBA 6
Yesu abuusha umwana umwaume uwa kwa mukamfwilwa, abomfya ifilangililo ifya-anguka pa kusambilisha, kabili alanda pa fyalengele abantu balekutika kuli ena.
Amavidio na Yambi Yali no Kufuma Nomba Line
Cila mwaka amavidio ayapya yakulafuma mpaka amavidio yonse 18 yakapwe. Mu May mu 2027 amavidio na yambi yali no kufuma.
Bushe Ifyo Yesu Alesambilisha Kuti Fyamwafwa Shani?
Inte sha kwa Yehova kuti batemwa ukumusambilishishapo na fimbi pali Yesu ne fyo mwingacita pa kuti mulekonka ifyo alesambilisha na pa kuti mwingaba ne nsansa na pali ino ine nshita. Kabiyeni pa jw.org pa kuti musambililepo na fimbi, nelyo tendekeni ukusambilila Baibo ukwabula ukumulipilisha.
Nalimo Kuti Mwatemwako ne fi
AMASUKO KU MEPUSHO YA MU BAIBO
Icine Pali Yesu
Kuti mwasanga amasuko ya mepusho mwakwata pali Yesu mu Cebo ca kwa Lesa.
AMEPUSHO AYO BAIBO YA-ASUKA
Mulandu Nshi Yesu Etilwa Ukuti Mwana wa kwa Lesa?
Nga ca kuti Lesa tafyele Yesu nga fintu abantunse bafyala abana, mulandu nshi Yesu etilwa ukuti Mwana wa kwa Lesa?
AMEPUSHO AYO BAIBO YA-ASUKA
Bushe Amasesemo Ayalanda Pali Mesia Yalanga Ukuti Yesu E Wali Mesia?
Bushe kwaliba ba Mesia abengi?
AMASAMBILISHO YA MU BAIBO AYACINDAMA
Mulandu Nshi Yesu Afwilile?
Ifyo Baibolo ilanda filanga ukuti imfwa ya kwa Yesu yalicindama sana. Bushe ca cine imfwa yakwe yalicindama?