Zekaliya 13:1-9
13 “Mu wanda uuwa yalimbila amu ng’anda yakwe Devedi na antu amu Yelusalemu cisima pakuti yace yasangululwe uku membu nu ku kukowela.+
2 “Mu wanda uuwa” avino Yeova wa maumba walanda, “ndafuuta mazina ya vilubi ivyaya umu mpanga,+ nupya vitalatala viusiwe; ndafumya ya kasesema+ nu mupasi ukowele umu mpanga.
3 Ndi cakuti umwi wasesema nupya isi na nyina aamuviile yalamunena yati, ‘Umafwa, pano watulanda ufi umwi zina lyakwe Yeova.’ Nupya isi na nyina aamuviile yalamutota pa mulandu wa kusesema.+
4 “Mu wanda uuwa ya kasesema yonsi yaluvwa insonyi pa vilolwa vino yalalola lino yakusesema; nupya yatalazwala ivyakuzwala vyakwe ya kasesema ivya mavumbu+ vino yazwalanga pa kuponzya antu.
5 Nupya cila kasesema alalanda ati, ‘Asi nene kasesema. Nkalima sile pano umwi wankazile ala nene mwance.’
6 Nupya ndi cakuti umwi wamuzya wati, ‘Ngi vilonda vii pakasi ka viye vyako?’* alasuka ati, ‘Yancisile umu ng’anda yakwe ya cuza yane.’”
7 “We lupanga katukila kacema wane,+Katukila cuza wane,” avino Yeova wa maumba walanda.
“Koma kacema+ nu kuleka imfwele zisalangane;+Nupya ndakatusha ikasa lyane pa yantu aatacindama.”
8 “Nupya umu mpanga yonsi” avino Yeova walanda,“Antu yaili pa yantu yatatu yalakomwa;Nupya wenga sile aalashala.
9 Nupya aalashalako ndayapisha umu moto;Ndayengulula wakwe vino yakayengulula siuva,Nu kuyezya wakwe vino yakaezya goldi.+
Yalama pi zina lyane,Nani ndayasuka.
Ndalanda inti, ‘Aantu yane,’+
Nayo yalalanda yati, ‘Yeova a Leza witu.’”
Mafutunoti
^ Kuli kuti pa cisao nanti pi tundu.
