Isamu 21:1-13
Ku mukalamba wakwe ya kiimba. Lwimbo luno Devedi wimvile.
21 We Yeova, umwene akasansamukila umu maka yako;+Akasansamukila sana umu kupususha kwako!+
2 Wamupeela vino umwenzo wakwe ukalondesha,+Utaamwimile vino wakulenzile. (Selah)
3 Pano ukamupaala sana;Wamuzwika icisote cakwe goldi umwengululwe.+
4 Wakulenzile umi nupya wamupeezile,+Wamupeezile umi wa manda pe.
5 Kupususha kwako kukamuletela sana ucindami.+
Kukamupeela umucinzi nu lulumbi.
6 Wamupaala manda pe;+Ukamulenga ukusansamuka pa mulandu wakuti waya umupiipi nawe.+
7 Pano umwene wataila Yeova;+Pa mulandu nu kutemwa kwa cumi kwakwe wino wikala Papelapela, atalatala atenkanyiziwe.+
8 Ikasa lyako lilazana alwani yako yonsi;Ikasa lyako ilya kwi lunji lilazana yayo aakupata.
9 Ulaleka yaye wi lungu lya moto pa nsita iya kuyapo kwako.
Yeova alayamila pa mulandu ni cipyu cakwe, nupya umoto ulayoca.+
10 Ulonona indupwa zyao ukufuma pano nsi,Nupya ulonona na ana yao ukufuma pa yana ya yantu.
11 Pano yalondanga uku kucitila iviipe;+Yapanga mapange aatalaomba.+
12 Pano ulalenga ukuti yutuke+Lino ulayasonta nu ulapwa.
13 We Yeova, katuka na maka yako.
Tulakwimbila inyimbo zya kulumbanya, tulimba inyimbo zya ku kulumbanya pa mulandu wa maka yako.
