2 Timoti 1:1-18
1 Ne Paulo, ne mutumwa wakwe Klistu Yesu uwasoololwa pa mulandu nu kulonda kwakwe Leza kulingana nu ulayo wa umi ukupitila muli Klistu Yesu,+
2 nalembela wewe Timoti, we mwana umutemwikwe:+
Icikuuku cikulu, nu luse nu mutende ukufuma kuli Leza Tata na kuli Klistu Yesu Umwene witu viye naawe.
3 Nkutaizya Leza wino nkaombela na kampingu musanguluke wakwe vino ivikolwe vyane vyacisile, ntalata ukukupaapatilako kuli Leza usiku nu musanya.
4 Nkaiusha minsozi yako, nkalondesha ukukulola nupya lino ndakulola ndaya sana ni nsansa.
5 Pano nkaiusha utailo wako uwaula usomvi,+ uno na nyokokulu Loisi alino na Yunisi mayo wako yakweti, nupya nkutaila auno ucili ukweti.
6 Fwandi ali mulandu uno nkukwiusha ukuti utwalilile ukuya umucincile pa kuomvya ica upe cino wapokelile lino nakwisilepo amakasa.+
7 Pano Leza ataatupeela umupasi wa ntete,+ lelo watupeela umupasi wa maka,+ uwa kutemwa nupya uwa mano.
8 Acino utauvwa insonyi zya kusimikila pa Mwene+ witu nanti pali nene ne mufungwa pa mulandu wakwe, lelo uwaculila+ ilyasi ilisuma ukupitila mu kutaila maka yakwe Leza.+
9 Watupuswishe nu kutwama nu lwamo lwa muzilo,+ asi pa mulandu ni milimo itu, lelo a pa mulandu nu kulonda kwakwe umwineco alino ni cikuuku cikulu.+ Leza watulanzile icikuuku cii icikulu mpiti sana pa mulandu wakwe Klistu Yesu,
10 lyene ndakai icikuuku cikulu camanyikwa ningo ukupitila mu kusokololwa kwakwe Kapususha witu Klistu Yesu,+ uwafumyapo imfwa+ nu kutulanga ningo vino tungaya nu umi+ nu kukanaola+ ukupitila umwi lyasi lisuma,+
11 lino nasoontiilwepo ukuya kasimikila, umutumwa nupya kasambilizya.+
12 Uli mulandu kwene uno nkuculila uku vintu vii,+ nomba nsiuvwa insonyi.+ Pano namanya wino nataila nupya nasininkizya ukuti angacingilila vyonsi vino namupeela ukufika pa wanda uwa.+
13 Uwalemasha mazwi asuma+ yano uvwile kuli nene, lino ukulanga utailo nu kutemwa ivikafuma mu kuya cuza wakwe Klistu Yesu.
14 Uwacingilila ningo ivintu vicindame vino wapokelile ukupitila umu umupasi wa muzilo uwaya muli sweswe.+
15 Wamanya ukuti antu yonsi umu citungu ca Asia+ yansha, kumwi na Figelo kwene na Hemogenesi.
16 Si Umwene alangizye uluse ku ya mu ng’anda yakwe Onesifolasi,+ pano ilingi wanteekezyanga nupya atuvwanga insonyi pa mulandu wakuti nanyefilwe umu maceni.
17 Lelo lino wali umu Loma, wandonzile sana suka anzana.
18 Si Umwene Yeova* ace amulange uluse umu wanda uwa. Nupya wemo wamanya ningo imilimo yonsi ino wene waomvile umu Efeso.
Mafutunoti
^ Lolini Ivyeo na Vyuze pa A5.
