1 Timoti 1:1-20
1 Ne Paulo, umutumwa wakwe Klistu Yesu uwasoololwa na Leza Kapususha witu na Klistu Yesu wino twapaalila,+
2 nakulembela we Timoti*+ umwana wa cumi cumi+ umu utailo:
Cikuuku cikulu nu luse nu mutende ivikafuma kuli Leza Tata na kuli Klistu Yesu Umwene witu viye naawe.
3 Wakwe vino nakukomelizye ukwikala umu Efeso lino nali umupiipi nu kuya uku Makedoniya, avino nkukukomelezya na likwene ukuti uwakalipila yamwi ukuti yatasambilizya ivisambilizyo ivipusane,
4 nanti ukwika mano uku malyasi ya ufi+ nanti amalyasi aakalanda pa vikolwe. Ivintu vivyo visiavwa+ lelo vikalenga antu ukulanda malyasi aasile sile ukucila ukusambilizya vyakwe Leza ivikakomya utailo.
5 Umulandu uno nkulandila ivintu vii, a pakuti tuye nu kutemwa+ ukukafuma umu mwenzo usanguluke na kuli kampingu umusuma nu ku utailo+ utayamo usomvi.
6 Yamwi yasha ivintu vii nu kupiliukila uku malyasi ya sile sile.+
7 Yakalonda ukuya ya kasambilizya+ ya masunde, lelo yatamanya ivintu vino yakalanda nanti vintu vino yakomapo ukusambilizya.
8 Lelo twamanya ukuti Masunde yaya sile ningo ndi cakuti umwi akuyaomvya ningo,
9 nu kumanya ukuti masunde yatapangiilwe antu alungame, lelo yapangiilwe ya mpulamasunde+ na ya cipondoka, antu aipe na ayembu, ataya ni cisinka na yano yakakaana ivya muzilo, aakakoma ya isi na ya nyina na antu yauze,
10 antu ya uzelele,* aonsi akacita uzelele na aonsi yauze, aakaiya antu, aufi, aakalapa ufi, na vyonsi ivyashala ivisiuvwana ni visambilizyo ivisuma+
11 kulingana ni lyasi lisuma ilya lulumbi lyakwe Leza wa nsansa, lino napeezilwe.+
12 Nkutaizya kuli Klistu Yesu Umwene witu uwampeezile amaka, pa mulandu wakuti wambweni ukuti nene wa cumi pa kumpeela umulimo,+
13 nanti cakuti mpiti nali uwa miponto nupya nacuzyanga antu yakwe Leza nupya nali uwa cilumba.+ Lelo Klistu wanjelile uluse pano nacitanga ivintu ukwaula ukumanya nupya ntakweti utailo.
14 Lelo Umwene wandanzile icikuuku cikulu nu kumpeela utailo alino nu kundanga ukutemwa kuno Klistu Yesu wakwata.
15 Amazwi yaa aacumi nupya yalinzile ukupokelelwa, aakuti: Klistu Yesu wizile umu nsi umu kupususha ayembu.+ Nupya pa yantu yayo, nemo nene muyembu ukucilapo.+
16 Lelo wanjelile uluse pakuti ukupitila muli nene ne muyembu sana, Klistu Yesu angalanga ukuteeka umwenzo konsi, pakuti yonsi alataila muli aliwe yangankolanya nu kwizaya nu umi wa pe.+
17 Lyene uku Mwene wa manda pe+ aasifwa,+ aasiloleka,+ Leza wenga sile,+ kuye umucinzi nu lulumbi amanda pe. Ameni.
18 Ivintu vii nkukunena wewe Timoti mwanane, ukulingana na masesemo aasoowilwe pali wewe, ukuti utwalilile ukulwa ulwi usuma,+
19 ukuya nu utailo na kampingu musuma,+ wino yamwi yasuula, cico icalenga ukuti utailo wao ononeke wa wato uwationoneka.
20 Himenaesi+ na Alekizanda yaya pa yantu kwene yayo, nupya injapeela kuli Satana+ pakuti yangasundwa nu kuta ukuya ni miponto.
