Sofoni 3:1-20
3 Maler lor sa lavil ki rebel, ki malang, ek ki fer dominer la!
2 Li pa’nn obeir okenn lavwa; li pa’nn aksepte okenn disiplinn.
Li pa’nn met so konfians dan Zeova; li pa’nn vinn pros ar so Bondie.
3 So bann prins ki kot li, zot bann lion ki pe kriye.
So bann ziz zot bann loulou dan lanwit;Mem enn lezo zot pa kite pou mord-morde ziska gramatin.
4 So bann profet zot arogan, bann zom ki tret.
So bann pret dezonor seki sin;Zot pa respekte lalwa.
5 Zeova li enn Bondie ki drwat ek li res dan lavil-la; li pa fer seki move.
Toule gramatin li fer konn so bann zizman,Parey kouma pena dout ki soley pou leve toule gramatin.
Me sa kikenn ki inzis la pena okenn laont.
6 “Mo’nn detrir bann pep; ek zot bann latour ki trouv dan bann kwin inn abandone.
Mo’nn kraz zot bann sime, ek personn pa ti kapav pas par la.
Zot bann lavil inn vinn enn rwinn, san okenn dimounn, san okenn abitan.
7 Mo’nn dir, ‘Sirman to pou ena enn gran respe pou mwa ek aksepte disiplinn,’
Pou ki lerla plas kot li reste pa detrir—mo bizin demann li bann kont pou* tou sa bann kitsoz-la.
Me zot ti plis anvi azir dan enn move fason.
8 Ala seki Zeova dir, ‘Kontign atann mwa,*Ziska zour kot mo leve pou depouy zot,*Parski mo desizion legal se pou reini bann pep, rasanble bann rwayom,Pou devers lor zot mo gran koler, tou mo koler ki kouma enn dife;Parski mo devouman ki kouma enn dife pou bril later an-antie.
9 Parski lerla mo pou sanz lang bann pep pou ki zot koz enn lang ki sin,Pou ki zot tou kapav loue* nom Zeova,Ek servi li kot-a-kot.’*
10 Depi rezion kot ena bann larivier Letiopi,Mo pep ki’nn disperse* ek ki pe sipliy mwa, pou amenn enn kado pou mwa.
11 Sa zour-la to pou nepli gagn onteAkoz tou bann kitsoz ki to’nn fer pou rebel kont mwa,Parski lerla mo pou tir bann ki gran-nwar ek ki deklare kot twa;Ek to pou nepli fer gran-nwar dan mo montagn ki sin.
12 Mo pou les enn pep ki sinp ek ki ena limilite res kot twa,Ek zot pou rod proteksion dan nom Zeova.
13 Bann ki’nn sirviv dan pep Izrael pa pou pratik linzistis;Zot pa pou koz manti, ek zot pa pou anbet lezot avek zot labous;Zot pou manze* ek zot pou dormi, ek pa pou ena personn ki pou fer zot per.”
14 Kriye dan lazwa, A tifi Sion!
Kriye ek selebre, A Izrael!
Res dan lazwa ek kontan avek tou to leker, A tifi Zerizalem!
15 Zeova pou tir bann kondanasion ki ena kont twa.
Li finn pous to lennmi.
Zeova, Lerwa Izrael, avek twa.
To pou nepli per okenn maler.
16 Sa zour-la, pou dir sa ar Zerizalem:
“Pa per, A Sion.
Napa bes lebra.
17 Zeova to Bondie avek twa.
Kouma enn Kikenn ki pwisan, li pou sov twa.
Li pou resanti enn lazwa intans akoz twa.
Li pou kalm* parski li’nn satisfe ar lamour ki li’nn montre twa.
Se akoz twa ki li kontan ek ki li kriye dan lazwa.
18 Mo pou rasanble tou bann ki an-dey parski zot pa’nn kapav selebre to bann fet;Zot pa ti la kot twa parski zot ti sibir laont akoz li.
19 Gete! Sa lepok-la, mo pou azir kont tou bann seki pe fer dominer ar twa.Ek mo pou sov sa kikenn ki bwate la,Ek mo pou rasanble bann seki disperse.
Mo pou fer zot gagn loner ek enn bon repitasion*Partou dan sa pei kot zot ti gagn onte la.
20 Sa lepok-la, mo pou fer zot retourne;Sa lepok-la, mo pou rasanble zot.
Parski mo pou fer zot gagn enn bon repitasion* ek loner parmi tou bann pep lor later,Kan mo pou rasanble zot bann prizonie devan zot lizie,” ala seki Zeova dir.
Not
^ Ouswa “bizin pini li pou.”
^ Ouswa “atann mwa avek pasians.”
^ Ouswa kitfwa, “leve kouma enn temwin.”
^ Lit., “apel.”
^ Ouswa “ador li dan linite.” Lit., “zepol kont zepol.”
^ Lit., “Tifi mo bann ki’nn disperse.”
^ Ouswa “manz lerb.”
^ Ouswa “gard silans; res trankil.”
^ Lit., “enn nom.”
^ Lit., “enn nom.”
