2024
Komemorasion Lamor Zezi
Ki Ou Kapav Gagne Gras-a So Sakrifis?
Nou invit ou pou sa de levennman gratis la:
-
Diskour spesial: “Rezireksion—Laviktwar lor Lamor!”
-
Komemorasion Lamor Zezi
Komemorasion Lamor Zezi
Dimans le 24 Mars 2024
Enn fwa par an, bann Temwin Zeova komemor lamor Zezi. Nou fer sa parski li ti dir so bann disip: “Kontign fer sa an mo memwar.”—Lik 22:19.
DISKOUR SPESIAL
“Rezireksion—Laviktwar lor Lamor!”
Pou fer sa diskour-la wikenn avan Komemorasion Lamor Zezi. Dan sa diskour-la, ou pou aprann ki bienfe ou ek bann dimounn ki ou kontan, kapav gagne gras-a rezireksion.
Kestion ki Poze Souvan
Komie letan sa pou dire?
Anviron enn-er-tan.
Kotsa pou fer sa?
Kontakte enn Temwin Zeova dan ou landrwa pou gagn bann ransegnman.
Lantre komie?
Li gratis.
Eski pou pas laket?
Non. Bann Temwin Zeova zame pa pas laket dan zot bann renion.
Eski ena enn fason bizin abiye?
Mem si pena okenn fason spesial pou abiye, bann Temwin Zeova swiv prinsip Labib ki ankouraz nou pou abiy avek modesti ek avek respe. (1 Timote 2:9) Li pa neseser ki ou met enn linz sware ouswa ki kout ser.
Ki pou pase pandan Komemorasion Lamor Zezi?
Program-la pou koumanse ek fini par enn kantik ek enn lapriyer, ek se enn Temwin Zeova ki pou fer lapriyer-la. Parti inportan dan Komemorasion Lamor Zezi, se enn diskour. Sa diskour-la pou explike kifer Zezi ti bizin mor ek kouma nou kapav gagn bann bienfe gras-a seki Bondie ek Lekris inn fer pou nou.
Ki dat pou fer bann prosin Komemorasion Lamor Zezi?
2024: Dimans le 24 Mars
2025: Samdi le 12 Avril
2026: Zedi le 2 Avril
Pou konn plis, lir lartik “Kifer Fason ki Bann Temwin Zeova Fer Repa Nou Segner Diferan Avek Fason ki Lezot Relizion Fer?”
Pou aprann plis, get sa bann video-la:
Dan sa video-la, ou pou gagn enn avangou zoli lavenir ki nou pou gagne gras-a lamor Zezi.
Kitfwa ou’nn tann dir ki li’nn mor pou ki nou gagn pardon pou nou bann pese. Me eski vremem lamor enn sel zom kapav fer bann milyon dimounn gagn bann bienfe?
Download version papie sa linvitasion-la.