Komemorasion Lamor Zezi
Lindi 22 Mars 2027
Enn fwa par an, bann Temwin Zeova komemor lamor Zezi parey kouma li’nn demann nou pou fer: “Kontign fer sa an mo memwar.”—Lik 22:19.
Nou invit ou ek ou fami pou asiste sa levennman-la.
Kestion ki Poze Souvan
Kisann-la kapav asiste sa levennman-la?
Tou dimounn kapav vini. Pa ezite pou invit to bann kamarad ouswa to fami.
Komie letan program-la dire?
Anviron enn-er-tan.
Kotsa pou fer sa?
Pou gagn plis linformasion, kontakte enn Temwin Zeova dan ou landrwa.
Eski mo bizin peye pou asiste sa levennman-la?
Non.
Eski pou pas laket?
Non. Bann Temwin Zeova pa pas okenn laket kan zot fer zot bann renion.—Matie 10:8.
Eski ena enn fason ki mo bizin abiye pou sa levennman-la?
Non. Selman, bann Temwin Zeova fer zefor pou abiy dan enn fason ki montre ki zot ena respe pou sa levennman sakre la.
Kouma sa komemorasion-la pase?
Pou ena enn diskour ankourazan ki pou koz lor kifer lamor Zezi li inportan ek kouma nou kapav gagn bann bienfe gras-a seki Bondie ek Zezi inn fer pou nou. Renion-la pou koumanse ek li pou fini avek enn kantik ek enn lapriyer.
Pou konn plis lor la, get lartik “Kifer Fason ki Bann Temwin Zeova Fer Repa Nou Segner Diferan Avek Fason ki Lezot Relizion Fer?”
Ki dat pou fer bann prosin Komemorasion Lamor Zezi?
2027: Lindi 22 Mars
2028: Dimans 9 Avril
2029: Zedi 29 Mars
Ena Osi
MEMORYAL
Rapel Lamor Zezi
Nou bien kontan pou invit ou vinn asiste sa levennman inportan la ansam avek nou. Ou pou aprann kouma lavi Zezi ek so lamor kapav fer ou gagn bann benediksion.
LANSEGNMAN LABIB KI INPORTAN
Kifer Zezi Inn Mor?
Labib donn enn gran linportans lamor Zezi. Eski so lamor ti ena enn lobzektif presi?
LEZOT LARTIK
Bann Bienfe ki Nou Gagne Gras-a Sakrifis Zezi
Pou ki nou kapav gagn bann bienfe gras-a sakrifis Zezi, ki de kitsoz inportan li ti ansegn nou pou fer?
KISANN-LA NOU ETE?
Assiste Bann Renion Temwin Zeova
Apran plis lor nou bann Renion. Rod enn lasal ki pre avek ou.