Sofoni 2:1-15
2 Rasanble zot, wi, rasanble zot ansam,A pep ki pa gagn onte.
2 Avan ki aplik deklarasion-la,Avan ki zour-la pase parey kouma lapay ki anvole dan divan,Avan ki Zeova so koler ki anflame vinn lor zot,Avan ki zour koler Zeova vinn lor zot,
3 Rod Zeova, zot tou ki ena limilite* lor later,Ki obeir so bann desizion legal* ki drwat.
Rod lazistis, rod limilite.*
Kitfwa* zot pou gagn proteksion zour koler Zeova.
4 Parski Gaza pou vinn enn lavil abandone;Ek Askalon pou vinn parey kouma enn dezer.
Asdod pou gagn pouse an plin lizour,*Ek pou derasinn Ekronn.
5 “Maler lor bann ki res lor lakot, nasion bann Keretien!
Parol Zeova kont zot.
A Kanaan, pei bann Filistin, mo pou detrir twa,Pou ki nepli ena okenn abitan ki reste.
6 Ek lakot pou vinn bann patiraz,Kot pou ena bann pwi pou bann berze ek bann lanklo an ros pou bann mouton.
7 Li pou vinn enn landrwa pou bann pep ki reste dan Zida;Laba zot pou manze.
Aswar zot pou alonze dan bann lakaz Askalon.
Parski Zeova zot Bondie pou pran zot kont*Ek li pou fer zot bann prizonie retourne.”
8 “Mo’nn tann bann zoure Moab ek bann insilt bann Amonit,Ki’nn provok mo pep ek ki’nn fer gran-nwar pou pran zot teritwar.”
9 Ala seki Zeova Sef bann larme, Bondie Izrael dir “Parey kouma mo vivan,Moab pou vinn parey kouma Sodom,Ek bann Amonit kouma Gomor,Enn landrwa ki ranpli ar bann move-zerb ki pike,* enn plas kot ena zis disel, ek enn dezer pou touletan.
Se bann ki reste parmi mo pep ki pou depouy zot,Ek bann ki reste parmi mo pep ki pou fer piyaz kot zot.
10 Ala seki zot pou gagne dan plas zot larogans,Parski zot inn provok ek zot inn fer gran-nwar ar pep Zeova, Sef bann larme.
11 Zeova pou fer zot vremem per;*Parski li pou fer tou bann bondie lor later vinn enn nanye ditou,*Ek tou bann pep ki viv lor bann zil pou prostern devan* li,Sakenn depi so landrwa.
12 Zot bann Etiopien, zot osi pou sot zot ar mo lepe.
13 Li pou avoy so lame ver Lenor ek li pou detrir Lasiri,Ek li pou fer Niniv vinn enn landrwa abandone, osi sek ki enn dezer.
14 Bann troupo, tou sort kalite zanimo sovaz pou alonze kot li.
Pelikan ek porkepik* toule-de pou pas lanwit parmi so bann kolonn ki’nn vinn enn rwinn.
Enn lavwa pou sante par lafnet,
Pou ena boukou dega kot lantre laport;Parski li pou met bann pano an dibwa sed a-dekouver.
15 Ala lavil ki fier ek ki ti pe asiz an sekirite,Ki ti pe dir dan so leker, ‘Mo inik, ek pena mo segon.’
Gete kouma li’nn vinn enn kitsoz orib,Enn plas kot bann zanimo sovaz dormi!
Tou dimounn ki pas akote li pou sifle ek pou menas li avek zot koutpwin.”
