ထံကီၢ်တနီၤန့ၣ်​ စံပွါယ့ အပတီၢ်တတုၤသိးလိာ်သးအဃိ ပှၤတနီၤန့ၣ်​ ဟးထီၣ်လၢ ကျဲဖီခိၣ်ဒီး ပူထီၣ်ထီဒါတၢ်. ခီဖျိလၢ ခိၤရိၤနၤ တၢ်ဆါသံသတြိာ်အဃိ စံပွါယ့ အတၢ်အိၣ်သးစ့ၢ်ကီး နးထီၣ်ဝဲလီၤ. မ့ၢ်လၢ ပှၤထုးထီၣ်တၢ်သိၣ်တၢ်သီလၢ ပှၤကဘၣ်အိၣ်လၢဟံၣ်ပူၤ, တၢ်လၢပှၤလိၣ်ဘၣ်တနီၤ တအိၣ်လၢၤဘၣ်အဃိ တၢ်အိၣ်သးနးထီၣ်ဝဲ တကးဒံးဘၣ်​ ပှၤတနီၤန့ၣ်​ တဒိးန့ၢ်ဘၣ်​ တၢ်ကူစါယါဘျါဂ့ၤဂ့ၤဘၣ်အဃိ ပှၤကဲဒိၣ်​ ဒီးပှၤဖှီၣ်ဖိယာ်ဖိ အပတီၢ် ဖုၣ်ထီလိာ်အသး နးန့ၢ်အလီၢ်လီၤ.

 လၢဟီၣ်ခိၣ်ဒီဘ့ၣ်န့ၣ်​ စံပွါယ့ အတၢ်ရဲၣ်တၢ်ကျဲၤ တဘၣ်လီၢ်ဘၣ်စးဘၣ်အဃိ တၢ်အိၣ်သးအံၤ ဂ့ၤထီၣ်က့ၤဝဲ ကသ့ဒံးဧါ. သ့ဝဲ. လံာ်စီဆှံ ပာ်ဖျါဝဲလၢ ကစၢ်ယွၤ ကမၤလီၢ်မၢ်ကွံာ်ဝဲ တၢ်ကီတၢ်ခဲလၢ ပထံၣ်ဘၣ်တဖၣ်အံၤ.

 တၢ်ကီတၢ်ခဲ– ပှၤဟီၣ်ခိၣ်ဖိတဖၣ်​ ဒုးအိၣ်ထီၣ်ဝဲ စံပွါယ့ အတၢ်ရဲၣ်တၢ်ကျဲၤလၢ အကမၤလၢပှဲၤပှၤကိးဂၤဒဲး အတၢ်လိၣ်ဘၣ်န့ၣ်​ တသ့ဘၣ်.

 တၢ်ကီတၢ်ခဲ– ပှၤဟီၣ်ခိၣ်ဖိတဖၣ်​ ဟးဆှဲးဝဲ တၢ်ကီတၢ်ခဲ ဒီးတၢ်ဖှီၣ်တၢ်ယာ်တန့ၢ်ဘၣ်.

 တၢ်ကီတၢ်ခဲ– ညီနုၢ်ပှၤလၢအအဲၣ်လီၤထဲအသး ဒီးပှၤလၢအသူၣ်လီသးကွံတၢ်တဖၣ်န့ၣ်​ မၤပှၤဂၤတတီတလိၤ.

 တၢ်လၢကမၤဘၣ်ဂီၢ်က့ၤတၢ်– ပှၤလၢအအိၣ်မူလၢ ယွၤအဘီအမုၢ် အတၢ်ပၢဖီလာ်တဖၣ်န့ၣ်​ ကပာ်ဖျါထီၣ်​ အတၢ်အဲၣ်လၢ ပှၤဂၤအဖီခိၣ်​ အါန့ၢ်ဒံး အအဲၣ်လီၤအသး.—မးသဲ ၂၂:၃၇-၃၉.

 တၢ်အဘျုးအဖှိၣ်– လၢယွၤအဘီအမုၢ် အတၢ်ပၢဖီလာ်န့ၣ်​ ပှၤကိးဂၤဒဲး ကကွၢ်လိမၤဒိး ယွၤအတၢ်အဲၣ်လၢ “တဃုအနီၢ်ကစၢ်အဘျုးဘၣ်” လီၤ. (၁ ကရံၣ်သူး ၁၃:၄, ၅) လံာ်စီဆှံ ပာ်ဖျါဝဲလၢ “တမၤအၢဘၣ်, ဒီးတမၤဟးဂီၤဘၣ်ဘၣ်လၢ ယကစၢၢ်စီဆှံဒီဖျၢၣ်ညါအလိၤဘၣ်. အဂ့ၢ်ဒ်အံၤ, ဟီၣ်ခိၣ်ကပှဲၤဝဲဒီး တၢ်သ့ၣ်ညါယွၤဒ်ထံကျၢၢ်ဘၢ ပီၣ်လဲၣ်အသိးန့ၣ်လီၤ.”—ယၡါယၤ ၁၁:၉. a

 လံာ်စီဆှံ ပာ်ဖျါဝဲလၢ ပအိၣ်မူဘၣ်လၢ မုၢ်နံၤအခံကတၢၢ်ဒီး တယံာ်လၢၤဘၣ်​ ကစၢ်ယွၤ ကမၤလၢပှဲၤ အတၢ်စံးပာ် ဒ်သိးကမၤလီၤမၢ်ကွံာ် စံပွါယ့ အတၢ်ကီတၢ်ခဲတဖၣ်လီၤ. b (စံးထီၣ်ပတြၢၤ ၁၂:၅) ဆၢကတီၢ်ခဲအံၤ လံာ်စီဆှံ အတၢ်ဟံးစုနဲၣ်ကျဲတဖၣ်​ ကမၤစၢၤနၤ ဒ်သိးနလဲၤခီဖျိ စံပွါယ့တၢ်ကီတၢ်ခဲတဖၣ်​ ကသ့အဂီၢ်လီၤ. အဒိ ကွၢ်တၢ်ဂ့ၢ်လၢအမ့ၢ် “How to Live on Less” and “A Balanced View of Money.”