Edimbuluko lefyo laJesus
Osoondaxa, 24 Marsa 2024
Omudo keshe, Eendombwedi daJehova ohadi dana lumwe momudo Edimbuluko lefyo laJesus, ngaashi a popya, eshi a ti: “Kaleni hamu shi ningi okudimbuluka nge.” — Lukas 22:19.
Ohatu ku shivi koshiningwanima eshi.
Omapulo oo haa pulwa luhapu
Okwoongala oko ohaku kwata efimbo li fike peni?
Otaku ka kwata hanga ovili lwaapo.
Otaku ka ningilwa peni?
Kwatafana nEendombwedi daJehova, opo u pewe ouyelele kutya otaku ka ningilwa peni moshitukulwa sheni.
Mbela otapa ka futwa sha?
Ahowe.
Mbela otapa ka umbwa ongalo?
Ahowe. Pokwoongala kwEendombwedi daJehova ihapa umbwa ongalo.
Mbela otapa ka djalwa omidjalo de likalekelwa?
Nonande poshiningwanima osho itapa ka djalwa omidjalo de likalekelwa, Eendombwedi daJehova ohadi ningi eenghendabala di shikule omayele Ombiibeli e na sha nokudjala pandjele nosho yo nefimaneko. (1 Timoteus 2:9) Ino pumbwa okudjala oikutu yondilo, ile yopambelewa.
Oshike tashi ka ningwa pEdimbuluko?
Okwoongala ohaku hovele nokuxula neimbilo nosho yo neilikano, olo hali ningwa komukulunhuongalo, ile omuyakuliongalo, oo e li Ondombwedi yaJehova. PEdimbuluko ohapa yandjwa oshipopiwa shi na sha nanghee efyo laJesus la fimana nosho yo nghee hatu dulu okumona ouwa mwaasho Kalunga naKristus ve tu ningila.
Opo u mone ouyelele muhapu, tala oshitukulwa “Omolwashike Eendombwedi daJehova hadi dana Ouvalelo wOmwene monghedi ya yooloka ko kwaayo yomalongelokalunga amwe?”
Otashi dulika yo u hafele oikundafanwa ei
EDIMBULUKO
Edimbuluko lefyo laJesus
Ohatu ku shivi nefimaneko opo u uye u ongale pamwe nafye poshiningwanima osho sha fimana. Oto ke lihonga nghee to dulu okumona ouwa mefyo laJesus pauhandimwe.
ESSENTIAL BIBLE TEACHINGS
Omolwashike Jesus a fya?
Ombiibeli oya popya nghee efyo laJesus la fimanenena. Mbela efyo laye oli na eityo?