[Urbon [dagiti kalakian nga ugsa]].

  1. Ti maikadua a nainaganan nga anak ni Midian; apoko ni Abraham babaen iti asawana a ni Ketura.​—Ge 25:2, 4; 1Cr 1:33.

  2. Lalaki iti tribu ni Juda; ti maikatlo a nainaganan nga anak ni Ezra.​—1Cr 4:1, 17.

  3. Maysa kadagiti pito a pannakaulo iti kagudua a tribu ni Manases. Nailadawan dagitoy nga ulo ti pamilia kas mamaingel ken nabileg a lallaki. Dagiti kaputotanda ket di nagmatalek iti Dios, ket ngarud impalubos ni Jehova nga idestiero ida ti ari ti Asiria.​—1Cr 5:23-26.