[mabalin nga, Antilop].

 Nagan ti maysa wenno mabalin a dua a nagduma a lallaki kadagiti listaan ti kapuonan a nailanad iti Genesis 36:20-28 ken iti 1 Cronicas 1:38-42.

 Iti Genesis 36:20, 21 (kasta met iti ber 29, 30), pito nga “annak ni Seir a Horeo” ket nailanad kas shik, awan sabali, da Lotan, Sobal, Zibeon, Anah, Dison, Ezer, ken Disan. Kalpasanna, iti bersikulo 22 agingga iti 28, tunggal maysa kadagiti pito a shik ket nailista agraman ti annakna. Iti bersikulo 25, ti maysa kadagiti annak ni Anah ket napanaganan Dison. Patien ti sumagmamano a daytoy a Dison ket apoko ni Seir ken kaanakan ni Shik Dison, yantangay ti pito a shik ket “annak” amin ni Seir sigun iti apag-isu a kaipapanan ti sao, kayatna a sawen, nagtaudda iti isu met laeng a kaputotan.

 Nupay kasta, ti dadduma patienda a ti salaysay idatagna dagiti pito a shik kas putputot laeng ni Seir, saan a kas nagtaud iti isu met laeng a kaputotan, ngarud “annak” sigun iti nalawa a kaipapanan ti sao. Gapuna, isingasingda a ti Dison iti bersikulo 25 isu met laeng ni Shik Dison (Ge 36:21, 26), saanna ket a kaanakan. Sigun iti daytoy a panangmatmat, nupay iti kinapudnona isu ket anak  ni Shik Anah, nainaganan ni Dison a kadua ti dadduma pay nga innem a shik saan a gapu ta kabsatda no di ket gapu ta agpapadada a kas shik.