Ang Labing Dungganon nga Sahi sang Gugma
Ang Labing Dungganon nga Sahi sang Gugma
SA MADAMO nga beses sa Cristianong Griegong Kasulatan, ukon Bag-o nga Testamento, ang tinaga nga “gugma” ginbadbad gikan sa Griego nga tinaga nga a·gaʹpe.
Nagapaathag sang kahulugan sina nga tinaga, ang reperensia nga Insight on the Scriptures * nagasiling: “Ang [a·gaʹpe], indi sentimiento, nga napasad lamang sa personal nga balatyagon, subong sang masami nga ginahunahuna, kundi isa ini ka moral ukon sosyal nga gugma pasad sa kinabubut-on nga pagtuman bangod sang prinsipio, katungdanan, kag pagkatadlong, sinsero nga ginatinguhaan ang kaayuhan sang iban suno sa kon ano ang husto. Ang a·gaʹpe (gugma) nagalandas sang personal nga kaawayon, wala nagatugot sini nga ang isa magbiya sa matarong nga mga prinsipio kag magtimalos.”
Ang a·gaʹpe mahimo man maglakip sang tudok nga balatyagon. Si apostol Pedro naglaygay, “Magmainit kamo sa inyo paghigugmaanay [isa ka porma sang a·gaʹpe].” (1 Pedro 4:8) Busa, masiling nga ang a·gaʹpe nagadalahig sang tagipusuon kag sang hunahuna. Ngaa indi pagbinagbinagon ang pila ka kasulatan nga nagapakita sang gahom kag kasangkaron sining dungganon nga sahi sang gugma? Ang masunod nga mga teksto mahimo makabulig: Mateo 5:43-47; Juan 15:12, 13; Roma 13:8-10; Efeso 5:2, 25, 28; 1 Juan 3:15-18; 4:16-21.
[Nota]
^ par. 3 Ginbalhag sang mga Saksi ni Jehova.
