Yayandikwaga na Marko 16:1-8
-
Okufuka kwa Yesu (1-8)
16 Enyuma we Sabato, Mariya we Magdala, Salome na Mariya nyina wa Yakobo, bagula ebintu bihumwire bwinja* yi baja kubishiga omubiri gwa Yesu.
2 Esezi-sezi omu lusiku lurhanzi lw’eboso okw’ezuba lyanahuluka ntya, baja ewa shinda.
3 Baliri babazana ntya: “Inde wayinja kurhukulira olubale luli oku mulyango gw’eshinda?
4 Aliko balolere, babona elyola bale lyakulirwe oku mulyango gw’eshinda chiro akaba oku lyaliri lizibuzibu.
5 Bajire omu shinda, babona omurhabana oyikere engambo z’ekulyo oyambere akanzo k’omweru, basomerwa bwenene.
6 Ababwira ntya: “Murhasomerwaga. Muli mwalonza Yesu we Nazareti nji bamanikaga oku murhi. Afukire arhachiri hanola. Mulole, ahala ha balimulyamikize.”
7 Aliko mugende mubwire abanafunzi bage na Petro, okw’abere abarhanga e Galilaya. Eyola munda yi mwamubona nk’okw’anababwiraga.
8 Bahulukire omu shinda bagenda balibirha, eyi bali bahinda omusisi bulala ebi babonaga byalibachubukire. Aliko nta muntu n’omuguma babwirire ebi babwene bulala baliyubahire bwenene.
Mahugulo m'efo
^ Ao “amanukato.”
