KALANSEN 17
Yezu ye mɔgɔ sugu juman lo ye?
Yezu ye min fɔ, ani a ye min kɛ tuma min na a tun be dugukolo kan, n’an y’o kalan, an b’a ye jogo minw b’a la. O jogow b’an lasun k’an magwɛrɛ a la ani a Faa Jehova la. O jogo dɔw ye jumanw ye? Ani, an be se ka Yezu ladegi cogo di?
1. Mun na an be se k’a fɔ ko Yezu be i n’a fɔ a Faa?
Sankolo la, Yezu y’a Faa ka kokɛcogo kɔrɔsi saan miliyari caaman na. Ani, a ye koo caaman degi a Faa fɛ. O y’a to a be miiri, a be koow jati, ani a be koow kɛ tigitigi i n’a fɔ a Faa (Zan 5:19 kalan). Tiɲɛn na, Yezu b’a Faa ka jogow ladegi koɲuman fɔɔ a y’a fɔ ko: “Ni mɔgɔ min ɲaa lara ne kan, o tigi ye n Faa fana ye.” (Zan 14:9). N’i tora ka dɔ lɔn Yezu jogow koo la, o bena i dɛmɛ ka Jehova lɔn koɲuman. Yezu b’a janto mɔgɔw la cogo min na, o b’a yira Jehova be min miiri i koo la.
2. Yezu y’a yira cogo di ko a be Jehova kanu?
Yezu y’a fɔ ko: “Diɲɛ mɔgɔw ka kan k’a lɔn ko ne be n Faa kanu, o la, a ye min fɔ ne ye, ne b’o le kɛ.” (Zan 14:31). Ka Yezu to dugukolo kan, a ye mɛnni kɛ a Faa fɛ hali n’a tun ka gwɛlɛ a ma k’o kɛ. O cogo la, a y’a yira ko a b’a Faa kanu kosɔbɛ. A tun ka di Yezu ye ka kuma a Faa koo la ani ka mɔgɔw dɛmɛ u ka teriya kɛ n’a Faa ye.—Zan 14:23.
3. Yezu y’a yira cogo di ko a be mɔgɔw kanu?
Bibulu b’a fɔ ko “adamadenw koo ka gwɛlɛ” Yezu ma (Talenw 8:31, NW). Kanuya y’a lasun ka mɔgɔw jija ani k’u dɛmɛ gwansan. A ye kabako minw kɛ, u b’a yira ko see b’a ye ani ko a be hinɛ mɔgɔw la (Mariki 1:40-42). A tun be bɛɛ minɛ ni ɲumanya ye, ani a tun tɛ mɔgɔ bɔ mɔgɔ la. Minw bɛɛ tun b’u kɔnɔ gwɛ k’a lamɛn, a ka kumaw tun b’u dusu saalo ani k’u jigi tugu. Kanuya kosɔn, a sɔnna ka tɔɔrɔ ani ka sa adamadenw kosɔn. Nka minw b’a ka kalanw sira tagama, olu lo koo ka gwɛlɛ a ma kosɔbɛ.—Zan 15:13, 14 kalan.
A ƝINI KA DƆ LƆN TUGUN
An k’a ɲini ka dɔ lɔn tugun Yezu jogow koo la. A tun be mɔgɔw kanu ani k’u sɔn cogo min na, an k’a filɛ cogo min na an be se k’a ladegi o la.
4. Yezu b’a Faa kanu
An be se k’a yira cogo di ko an be Ala kanu? Yezu y’o ɲɛyira an na. Luka 6:12 ani Zan 15:10; 17:26 kalan. Vɛrise kelen kelen bɛɛ kalannin kɔ, a’ ye ɲiningali nin kɛ ani ka baro kɛ o kan:
-
An be se ka Yezu ladegi cogo di ani k’a yira ko an be Jehova kanu?
5. Yezu b’a janto mɔgɔw la
Yezu tun be mɔgɔw ka hɛɛrɛko bila a yɛrɛ ta ɲɛ. Hali n’a tun sɛgɛnnin lo, a tun b’a ka wagati n’a ka fanga kɛ ka tɔɔw dɛmɛ. Mariki 6:30-44 kalan. O kɔ, a’ ye ɲiningali nunu kɛ ani ka baro kɛ u kan:
-
Yezu y’a yira cogo di ko a b’a janto mɔgɔw la?—Vɛrise 31, 34, 41, ani 42 lajɛ.
-
Mun lo tun be Yezu lasun ka mɔgɔw dɛmɛ?—Vɛrise 34 lajɛ.
-
Komi Yezu tun be Jehova lo ladegira, a ye min kɛ, o be mun lo yira an na Jehova koo la?
-
Yezu y’a mako don mɔgɔw la cogo min na, an be se k’a ladegi cogo di o la?
6. Yezu b’a tɛgɛ labila ka mɔgɔw sɔn
Fɛɛn bɛrɛ tun tɛ Yezu fɛ. Nka a bolo tun labilanin lo ka mɔgɔw sɔn. A y’an jija an k’o ɲɔgɔn kɛ fana. Kɛwaliw 20:35 kalan. O kɔ, a’ ye ɲiningali nin kɛ ani ka baro kɛ o kan:
-
Yezu ka fɔta la, mun lo b’a to an be ninsɔndiya sɔrɔ?
A’ ye VIDEWO filɛ. Ani, a’ ye ɲiningali kɛ ani ka baro kɛ o kan:
-
Hali ni fɛɛn bɛrɛ t’an fɛ, an be se ka mɔgɔw sɔn cogo di?
I b’a lɔn wa?
Bibulu b’a fɔ ko an ka ɲi ka Jehova deli Yezu tɔgɔ la (Zan 16:23, 24 kalan). N’an be delili kɛ o cogo la, an b’a yira ko an sɔnna a ma ko Yezu barika la le an be se ka teriya kɛ ni Jehova ye.
NI MƆGƆ DƆ Y’A FƆ I YE KO: “An ka tɔɔrɔkow ye Ala ka latigɛ lo ye.”
-
Yezu ka kɛwalew b’a yira cogo di ko Jehova b’a janto an na?
MIIRIYA JƆNJƆN
Yezu be Jehova kanu, ani a be mɔgɔw kanu fana. Komi Yezu be i n’a fɔ a Faa, n’i tora ka dɔ lɔn Yezu koo la, i bena dɔ lɔn Jehova koo la fana.
I ye mun lo faamu?
-
An be se k’a yira cogo di ko an be Jehova kanu i ko Yezu y’a kɛ cogo min na?
-
An be se k’a yira cogo di ko an be mɔgɔw kanu i ko Yezu y’a kɛ cogo min na?
-
Yezu ka jogo juman lo ka di i ye ka tɛmɛ a ka jogo tɔɔw kan?
NUNU LAJƐ FANA
Yezu ka jogo dɔw, an be se ka minw ladegi.
“Walisa ka Yezu ladegi, an ka ɲi ka . . .” (Yezu: Ale lo ye sira, tiɲɛn, ani ɲɛnamaya ye, ɲɛɛ 317)
Mun na an ka ɲi ka Ala deli Yezu tɔgɔ la?
“Pourquoi prier au nom de Jésus ?” (Saan 2008, feburukalo tile fɔlɔ ka Kɔrɔsili Sangaso)
Yala Bibulu be dɔ fɔ Yezu sawura koo la wa?
Yezu tun be musow minɛ cogo min na, o be mun lo yira an na a koo la?