Taga a kɔnɔkow lajɛ

Saan 2024

Yezu ka saya Hakilijigi lajɛn

A ka saraka be se k’i nafa cogo di?

An b’i weele ka na kooba fila nunu na, donsara t’u la:

  • Forobakalan kɛrɛnkɛrɛnnin: “Sukununi: o ye see sɔrɔli ye saya kan!”

  • Yezu ka saya Hakilijigi lajɛn

Yezu ka saya Hakilijigi lajɛn

Saan 2024, dimansilon, marisikalo tile 24

Saan o saan, Jehova Seerew be ɲɔgɔn lajɛn walisa k’u hakili jigi Yezu ka saya koo la. U b’o kɛ siɲɛ kelen saan kɔnɔ. Yezu yɛrɛ y’a fɔ a ka kalandenw ye ko: “Aw ye to ka nin kɛ k’aw hakili to ne la.”—Luka 22:19.

Hakilijigi lajɛn kɛyɔrɔ dɔ ɲini

FOROBAKALAN KƐRƐNKƐRƐNNIN

“Sukununi: O ye see sɔrɔli ye saya kan!”

O kalan bena kɛ wikɛni dɔ la, dɔɔni ka kɔn Hakilijigi lajɛn ɲɛ. Kalankɛla ben’a yira e n’i ka mɔgɔ kanulenw be se ka nafa min sɔrɔ sukununi koo la.

Mɔgɔw ka teli ka ɲiningali minw kɛ

O kalan bena mɛɛn lɛri joli ɲɔgɔn?

A bena mɛɛn lɛri kelen ɲɔgɔn.

A bena kɛ min?

N’i be kunnafoni wɛrɛw fɛ o koo la, kaan bɔ Jehova Seerew ma.

Donsara b’a la wa?

Ayi.

Wari be deli mɔgɔ fɛ wa?

Ayi. Jehova Seerew tɛ wari deli mɔgɔw fɛ abada u ka lajɛnw na.

Mɔgɔ ka ɲi ka fani sifa tigitigi dɔ don ka na wa?

Tiɲɛn lo ko a ma fɔ mɔgɔ ka ɲi ka fani sifa tigitigi min don ka na. Nka Jehova Seerew b’u jija ka tugu Bibulu ka ladili kɔ, o min ye ka fani don cogo bɛnnin na ani min be bonya la u kan (1 Timote 2:9). I mako t’a la ka fani sɔngɔ gwɛlɛn wala diinanfani don ka na.

Mun lo bena kɛ Hakilijigi lajɛn na?

O lajɛn be daminɛ ani a be ban ni dɔnkili ni delili ye. Jehova Seerew ka diinan mɔgɔkɔrɔ dɔ lo b’o delili kɛ. O lajɛn fanba la, kalan dɔ be kɛ k’a yira fɛɛn min kama Yezu saya kɔrɔtanin lo kosɔbɛ, ani Ala ni Krista ye min kɛ an ye, an be se ka nafa sɔrɔ o la cogo min na.

Hakilijigi lajɛn nataw bena kɛ tuma juman?

Saan 2024: Dimansilon, marisikalo tile 24

Saan 2025: Samedilon, awirilikalo tile 12

Saan 2026: Lamisalon, awirilikalo tile 2

N’i be kunnafoni wɛrɛw fɛ o koo la, barokun nin lajɛ: “Jehova Seerew be Matigi ka surafana kɛ cogo min na, mun na o be dan na diinan tɔɔw ta la?

N’i b’a fɛ ka dɔ lɔn o koo la, videwo nunu filɛ:

I hakili to Yezu saya koo la

Mɔgɔ be se ka siniɲasigi ɲuman min sɔrɔ Yezu ka saya sababu la, o lajɛ dɔɔni.

Mun na Yezu sara?

N’a sɔrɔ i delila k’a mɛn ko a sara an ka jurumuw kosɔn. Nka, mɔgɔ kelen saya be se ka mɔgɔ miliyɔn caaman nafa tiɲɛn tiɲɛn na wa?

Welelisɛbɛ nin papiyelaman telesarse.