Naoia we yia 2023 i stat, yumi hop se ol gudfala samting bambae oli hapen long yumi mo long ol famle blong yumi. ?From wanem yumi save gat hop?

Baebol i givim hop

 Baebol i talemaot gud nius ya se ol problem we yumi stap fesem naoia oli blong smoltaem nomo, mo se i no longtaem bambae oli finis. Baebol i “blong tijim yumi. Nao yumi save gat hop from we Ol Tok Blong Baebol oli mekem yumi harem gud.”—Rom 15:4.

•   Blong save moa long saed blong ol promes blong Baebol, ridim atikol ya “Trufala Hop Blong Wan Gudfala Fiuja.”

Wan hop we i save halpem yu naoia

 Hop blong Baebol i olsem “wan angka blong holem laef blong yumi.” (Hibru 6:19, futnot) Hop ya i save givhan long yumi blong stanap strong taem yumi fesem ol trabol, blong holemtaet gudfala tingting, mo blong faenem glad blong olwe. Eksampol:

•   Faenemaot olsem wanem hop blong Baebol i halpem wan man blong i lego fasin ya blong dring bitim mak. Wajem video ya Mi No Glad Long Laef Blong Mi.

•   Luk olsem wanem hop blong Baebol i save halpem yumi taem wan famle o fren i ded. Wajem video ya Mesej Blong Leftemap Tingting Taem Wan Famle o Fren i Ded.

Mekem hop blong yu i kam strong

 Plante man oli hop se ol gudfala samting bambae oli hapen, be oli no sua se hop blong olgeta bambae i kamtru. Samting we Baebol i promes i defren. ?From wanem? From we ol promes blong Baebol oli kamaot long Jehova God a “we i no save giaman.” (Taetas 1:2) Jehova nomo i gat paoa blong mekem ol promes blong hem oli kamtru. Hem i save mekem “olgeta samting we hem i wantem mekem.”—Ol Sam 135:5, 6.

 Mifala i wantem se yu harem gud long hop blong Baebol. Yu save mekem bilif blong yu i strong moa sipos yu “stadi gud long Ol Tok Blong Baebol.” (Ol Wok 17:11) Yu save faenemaot samting ya sipos yu mekem fri Baebol kos blong mifala. !I gud yu statem 2023 wetem wan gudfala tingting long saed blong fiuja!