Yoele 3:1-21
3 “Pantu moneni! Mu nshiku shilya na pa nshita ilya,Ilyo nkabwesha bankole ba mu Yuda na ba mu Yerusalemu,+
2 E lyo nkalonganya inko shonseNo kushitwala mu Mupokapoka* wa kwa Yehoshafati.*
Kabili e mo nkashipingwila+Pa mulandu ne fyo shalecita abantu bandi abena Israele, e kutila ubupyani bwandi,Pantu shalibasalanganishishe mu nko,Kabili shalyakenye+ icalo candi.
3 Pantu aba muli ishi inko balependwila ifipendwilo+ pa bantu bandi;Baleshitisha abalumendo pa kuti balipile bacilendeKabili baleshitisha abakashana pa kuti bashitemo umwangashi wa kuti banwe.
4 Kabili finshi namulufyanya,Mwe bena Turi na bena Sidone na imwe mwe bekala mu fitungu fya baPelishiti?
Cinshi muncitila ifi apabula umulandu?
Nga muncita ifi apabula umulandu,Nkangufyanya sana ukumukanda.+
5 Pantu mwalisenda silfere yandi na golde+ yandi,Kabili ifyuma fyandi ifyawamisha mwafibika mu matempele yenu;
6 Kabili mwalishitisha abantu ba mu Yuda na ba mu Yerusalemu ku baGriki,+Pa kuti mubatalushe ku calo cabo;
7 Moneni ndebabwesha uko mwabashitishe,+Kabili nkalandula pa fyo mwacitile.
8 Nkapeela* abana benu abaume na bana benu abanakashi ku baYuda,+Nabo bakabashitisha ku bena Sheba abekala ukutali,Pantu Yehova umwine nalanda.
9 Bilisheni mu nko amuti:+
‘Ipekanyeni ukulwa inkondo! Cincisheni abaume ba maka!
Lekeni abashilika bapalame, lekeni bese balwe!+
10 Fuleni amaplao yenu yabe impanga, ne fya kutungwilako ifimuti fyenu fibe amafumo.
Lekeni uushakwata amaka alande ukuti: “Ndi wa maka.”
11 Mwe ba mu nko shonse ishili mupepi iseni mulongane pamo+ pa kuti mubafwe!’”
Mwe Yehova, twaleni abaume benu* aba maka kuli cilya cifulo.
12 “Lekeni inko shonse shiime, shise mu Mupokapoka* wa kwa Yehoshafati;Pantu kulya kwine e ko nkapingwila inko+ shonse ishaba mupepi.
13 Pisheni icikwakwa mwi bala pantu ifilimwa nafipya.
Tentemukeni mwise munyantaule mu fya kukaminamo umwangashi, pantu nafiisula.+
Ifya kukaminamo filepala, pantu ifyabipa ifyo bacita fingi.
14 Abantu abengi nga nshi bali mu mupokapoka* wa bupingushi,Pantu ubushiku bwa kwa Yehova nabupalama ku mupokapoka* wa bupingushi.+
15 Akasuba no mweshi fikaaluka imfifi,Ne ntanda tashakasanike
16 Kabili Yehova akabulumina mu Sione,Akasanswila ishiwi lyakwe mu Yerusalemu.
Kabili umuulu ne sonde fikatenta;Lelo Yehova akacingilila abantu bakwe,+Kabili akaba icubo ca bena Israele.
17 Kabili mukeshiba ukuti nine Yehova Lesa wenu, uwikala mu Sione ulupili lwandi ulwa mushilo.+
Umusumba wa Yerusalemu ukaba uwa mushilo,+Kabili abalebeshi tabakatwalilile ukupitamo.+
18 Muli bulya bushiku, impili shikalatonya umwangashi uwalowa,+Mu tupili mukalakonkoloka umukaka,Na mu tumilonga tonse utwa mu Yuda mukalapita amenshi.
Mu ng’anda ya kwa Yehova mukaba akamfukumfuku,+Kabili kakalatapilila Umupokapoka* umwaba Ifimuti fya Munganunshi.
19 Lelo Egupti ikaba icibolya,+Na Edomu ikashala amatololo umushaba abantu,+Pa mulandu wa bunkalwe ubo bacitile abaYuda,+Abo basuumishe umulopa+ wabo mu calo cabo apabula umulandu.
20 Lelo lyonse mu Yuda mukalaba abantu,Na mu Yerusalemu abantu bakalaikalamo ku nkulo ne nkulo.+
21 Umulopa wabo uo nshalemona ukuti wa kaele, nomba nkalaumona uwa kaele;+Kabili ine ne Yehova nkekala mu Sione.”+
