Impendwa 24:1-25
24 Ilyo Balaamu amwene ukuti Yehova alefwaya* ukupaala Israele, taile na kabili mu kufwaya ifya kushamikilako Israele,+ lelo alipilibwike, alolesha ku matololo.
2 Ilyo Balaamu ainwine amenso no kumona abena Israele nabapanga inkambi ukulingana ne mikowa yabo,+ umupashi wa kwa Lesa waishile pali ena.+
3 Lyena alandiile mu manshoko ati:+
“Aya e mashiwi ya kwa Balaamu mwana Beore,Kabili aya mwaume uo beswile amenso,
4 Amashiwi ya umfwa icebo ca kwa Lesa,Uwamwene icimonwa ca Wa Maka Yonse,Uuwile ubukupeme ninshi na menso nayashibatuka:+
5 Ala amatenti yobe we Yakobo yasuma nga nshi,Umo wikala, we Israele!+
6 Yafika ukutali nge mipokapoka,+Nga mabala ayaba mupepi no mumana,Nge fimuti fya aloye* ifyo Yehova alimba,Nge mikedari iyaba mupepi na menshi.
7 Amenshi yakonkoloka mu fya kutapilamo amenshi fibili ifya mpapa,Kabili ulubuto* lwakwe lwabyalwa mupepi na menshi ayengi.+
Imfumu yakwe+ nayo ikacila Agagi,+Kabili ubufumu bwakwe bukasansabikwa.+
8 Lesa alemufumya mu Egupti;Alabafwa na maka yakwe ayaba nga masengo ya mboo.
Akonaula inko, ishimucusha,+Kabili akatobaula amafupa yabo, akabepaila na ku mifwi.
9 Afukeme panshi, kabili alambalele panshi nge nkalamo,Kabili apo aba nge nkalamo, nani engapama ukumubalamuna?
Abakupaala, bakapaalwa,Kabili abakutiipa, bakatiipwa.”+
10 Lyena Balaki afuliilwe Balaamu nga nshi. Balaki atootele bukali bukali e lyo aeba Balaamu ati: “Ico nakwitiile, kwisatiipa abalwani bandi,+ lelo naubapaala iyi imiku itatu.
11 Nomba kabiye ku mobe ili line. Ine nalefwaya nkucindamike nga nshi,+ lelo mona! Yehova talefwaya ukuti ucindame.”
12 Balaamu aebele Balaki ati: “Bushe nshaebele inkombe isho watumine nati,
13 ‘Nangu Balaki engampeela ing’anda yakwe iyaisulamo silfere na golde, te kuti ncite nangu cimo ico ndefwaya,* nampo nga cisuma nelyo cibi icingalenga napula mu cipope ca kwa Yehova’? Bushe nshalandile nati, ‘nkalanda fye ifyo Yehova akanjeba’?+
14 Nomba ine nalabwelelamo ku bantu bandi. Isa nkwebe ifyo aba bantu bakacita abantu bobe ku ntanshi.”*
15 E ico alandiile mu manshoko ati:+
“Aya e mashiwi ya kwa Balaamu mwana Beore,Kabili aya mwaume uo bashibatwile amenso,+
16 Amashiwi ya umfwa icebo ca kwa Lesa,Kabili uwaishiba Uwapulamo,Uwamwene icimonwa ca Wa Maka YonseIlyo alewa ubukupeme ninshi na menso nayashibatuka:
17 Nkamumona, lelo te nomba;Nkamumona, lelo te ili line.
Ulutanda+ lukafuma muli Yakobo,Kabili inkonto ikema+ muli Israele.+
Kabili akatoba umutwe wa kwa Moabu+Ne cipanga ca bana ba bunkalwe bonse.
18 Kabili akapoka Edomu,+Cine cine, Seiri+ akaba icalo ca balwani bakwe,+Lelo Israele ena akalanga ukuti alishipa.
19 Muli Yakobo mukafuma uukaya alecimfya,+Kabili akepaya onse uukapusuka mu musumba.”
20 Ilyo amwene Amaleke, akonkenyepo ukulandila mu manshoko ati:
“Amaleke e wali uwa ntanshi pa nko,+Lelo mu kulekelesha akaloba.”+
21 Ilyo amwene abena Keni,+ akonkenyepo ukulandila mu manshoko ati:
“Apo wikala palicingililwa, kabili pa cilibwe icasansuka e po wikala.
22 Lelo kukaba uukoca Keni.
Ni nshita nshi ikapitapo pa kuti Asiria akakusende mu kuyaba nkole?”
23 Kabili akonkenyepo ukulandila mu manshoko ati:
“Iye! Nani akapusuka Lesa nga acita ifi?
24 Amato ayakalamba yakafuma ku lulamba lwa Kitimu,+Kabili yakacusha Asiria,+Kabili yakacusha Ebere.
Lelo na o wine akaloba.”
25 Lyena Balaamu+ aliimine abwelela na ku mwakwe. Balaki na o aile ku mwakwe.
