Yuda 1:1-25

1  Ine ne Yuda, ne musha wa kwa Yesu Kristu, kabili munyina wa kwa Yakobo,+ nalembela imwe mwe baitwa+ mwe bo Lesa Shifwe+ atemwa kabili abo asungila+ Yesu Kristu:  Uluse+ no mutende+ no kutemwa+ ififuma kuli Lesa fifule kuli imwe.+  Mwe batemwikwa,+ nangu ca kutila nalefwaya sana ukumulembela pa fyo tukapusuka bonse,+ namona ukuti mfwile ukumulembela ku kumukonkomesha ukulwila icitetekelo+ ico aba mushilo+ bapeelwe limo fye.  Pantu abantu bamo nabasokelela+ muli ifwe abo Amalembo yasobele+ ukuti bali no kupingulwa.+ Aba bantu abashipepa,+ abasangula icikuuku ca kwa Lesa wesu ukuba akabepesho ka kucitilamo ifya nsoni+ no kukaana+ Cibinda+ wesu umo mpo kabili Shikulwifwe,+ Yesu Kristu.  Nelyo ca kuti mwalishiba fyonse+ kale, ndefwaisha ukumwibukishako, ukuti nangu ca kuti Yehova apuswishe abantu ukubafumya mu calo ca Egupti,+ pa numa aonawile abashali ne citetekelo.+  Kabili bamalaika abashasungile ififulo ifyo bakwete pa kubalilapo lelo abashile ififulo fyabo ifyabalinga,+ abasungila mu cifungo+ ca pe umwafiita fititi ukulolela ubupingushi pa bushiku bukalamba.+  Ifyo fine na bena Sodomu na Gomora ne misumba iyali mupepi,+ mu musango umo wine nga balya numbwile bacitile sana ubulalelale kabili baile balekonka bumubili no kucita ifye shiku,+ kabili baba kuli ifwe icilangililo+ ica kutusoka ilyo abakandile mu mulilo wa muyayaya.+  Awe ifyo fine, na ba bene bantu, abelenganya ifya kwelenganya,+ bakowesha umubili no kusuula abatungulula+ no kusaalula abo Lesa acindamika.+  Lelo ilyo Mikaele+ malaika mukalamba+ apusene+ na Satana Kaseebanya no kuumanina pa citumbi+ ca kwa Mose, tapamine ukumupingula mu miponto,+ lelo atile: “Yehova akukalipile.”+ 10  Lelo aba bantu bena balepontela ifintu fyonse ifyo bashaishiba no kwishiba;+ lelo fyonse ifyo baishiba, bafishibila mu musango inama+ ishishaba na mano shishibilamo ifintu, kabili ifi fine e filebonaula.+ 11  Ndeumfwilako ubulanda aba bantu, pantu bapashanya ifyacitile Kaini,+ kabili baipoosa mu kuluba kwa kwa Balaamu+ ukwa kufwaya ukunonka icilambu, no kulobela mu milandile+ ya bucipondoka iya kwa Kora!+ 12  Aba bantu baba nga mabwe ayabelama mu menshi ilyo balelya pamo na imwe mu mitebeto+ yenu iya kulanga ukutemwana. Ni bakacema abailiisha abene ukwabula umwenso;+ makumbi yabulamo amenshi ayasendwa+ ku mwela;+ miti iishitwala ifisabo mu nshita ya fiko, iyafwa libili, iyo banukula;+ 13  bacita ifya nsoni+ nga filya amabimbi ayakali aya pali bemba yasha amafulo ya fiko; ni ntanda ishilubanta, isho basungila ukupoosa mu mfifi ya pe na pe iyafiita fititi.+ 14  Awe, ni aba e bo Enoke,+ uwalenga cinelubali (7) ukutula pali Adamu, na o alandilepo, ilyo aseseme ati: “Moneni! Yehova aishile ne minshipendwa ya ba mushilo bakwe,+ 15  ku kupingula bonse,+ no kushinina bonse abashipepa pa micitile yabo yonse iyabipa iyo bacitile mu nshila yabipa, na pa fya bunani fyonse ifyo ababembu abashipepa balandile pali ena.”+ 16  Aba, bantu abailishanya,+ abailishanya pa mikalile yabo, abenda ukulingana ne fya lunkumbwa fyabo,+ abo utunwa twabo tulanda ifya matutumuko,+ ilyo balecindika abantu+ bamo pa kuti bamwenemo. 17  Lelo imwe, mwe batemwikwa, ibukisheni amashiwi ayo abatumwa ba kwa Shikulwifwe Yesu Kristu balandile,+ 18  ayo balemweba abati: “Ku nshita ya ku mpela kukaba bakapumya, abakalakonkelela fye ulunkumbwa lwabo ulwa kucita ifyabipa.”+ 19  Aba e baleta amalekano,+ bantu abakonkelela ififwaya imitima yabo,+ abashakwata umupashi wa kwa Lesa.+ 20  Lelo imwe, mwe batemwikwa, pa kuikosha mwe bene+ pa mufula wa citetekelo+ cenu ica mushilo sana, no kupepela mu mupashi wa mushilo,+ 21  ikalilileni mu kutemwa+ kwa kwa Lesa, ilyo mulelolela uluse+ lwa kwa Shikulwifwe Yesu Kristu ulwalola ku mweo wa muyayaya.+ 22  Kabili twalilileni ukubelela uluse+ bamo abatwishika;+ 23  bapususheni+ pa kubasompola mu mulilo.+ Lelo bambi mulebabelela uluse, ukucita ifyo no mwenso. Mulepata ica kufwala cabo ica mu kati icakantaikwa no mubili.+ 24  Nomba ku uli na maka ya kumucingilila+ pa kuti mwiwa no kumuleka mube ababula akalema+ pa ntanshi ya bukata bwakwe ne nsansa ishingi nga nshi, 25  kuli Lesa umo mpo Umupusushi+ wesu muli Yesu Kristu+ Shikulwifwe, kube umucinshi,+ bukatebebe, amaka+ no kuteka+ ukufuma ku nshita pe+ na pali nomba no kufika ku nshita pe.+ Ameni.+

Amafutunoti