Proverbios 9:1-18
9 Cheqpach yatiñajja utapwa saytʼayi,paqallqo columnanakapwa lursuraki.
2 Yatiñajj aychwa wali sum wakichtʼi,*vinwa mezclaraki,messa wakichtʼarakiwa.
3 Yatiñajj sirvientanakaparuw khiti,ukhamat markan alto lugaranakapat akham sasin artʼapjjañapataki:+
4 “¡Khititï jan experiencianïki ukajj akar jutpan!” sasa.
Yatiñajj jan amuytʼasirinakarojj akham sarakiwa:
5 “Jutapjjam, nayan tʼantʼaj manqʼapjjam,nayan mezclat vino umapjjam.
6 Jan experiencianïñjja* apanukupjjam ukat jakapjjam,+amuytʼasirïñ thaknam sarapjjarakim”+ sasa.
7 Khititï burlasir jaqer cheqañchki ukajja jiskʼachataw uñjasini,+khititï jan wali jaqer cheqañchki ukajja jan walinwa uñjasini.
8 Burlasir jaqerojj jan cheqañchamti, kuna laykutejj jupajj uñisïtamwa.+
Yatiñan jaqer cheqañcham, jupajj munasïtamwa.+
9 Yatiñan jaqer yaticham, jupajj jukʼamp yatiñan jaqeruw tukuni.+
Cheqap sarnaqer jaqer yaticham, jupan yateqatapajj jukʼampiw jiljjattani.
10 Jehová Diosar ajjsarañajj yatiñan qalltapawa,+Wali Santo Diosar+ uñtʼañajja amuytʼasirïñwa churi.
11 Nayïpanwa* urunakamajj waljäni,+jakäwimas maranakampi yaptʼatarakïniwa.
12 Jumatï yatiñan jaqer tuküta ukhajja, yatiñan jaqer tukutamajj juman askimatakïniwa,ukampis jumatï burlasir jaqësta ukhajja, juma pachpaw jan walin uñjasïta.
13 Jan amuytʼasir warmejja wali jachʼat parliriwa.+
Jupajj jan kuns yatiri ignorante warmiwa.
14 Utap mantañawjanwa uka warmejj qontʼasi,markan alto lugaranakapanwa jupajj mä qonuñan qontʼasi,+
15 uka cheq pasirinakarojj wali jachʼatwa artʼi,thakip saririnakarojj akham sasaw jupajj artʼi:
16 “¡Khititï jan experiencianïki ukajj akar jutpan!” sasa.
Jupajj jan amuytʼasirinakarojj akham sarakiwa:+
17 “Lunthatat umanakajj mojjsawa,jamasan manqʼaski uka tʼantʼas sumarakiwa”+ sasa.
18 Ukampis uka warmin utapajj jiwatanakamp phoqantatawa,invitadonakapas Sepultura*+ manqhanakankiwa, ukjja jupanakajj janiw yatipkiti.
