Proverbios 2:1-22
2 Nayan wawaja, jumatï arunakaj katoqasïta,mandamientonakajsa wali valorani yänakjam* chuymamar imarakïta,+
2 jiñchunakamar yatiñanïñ toqet wali atencionamp istʼayasa,+taqe kun suma qhan amuytʼañatak chuymam jistʼarasa,+
3 jumatï entiendiñatak artʼasïta,+jumatï amuytʼañatak artʼasïta,+
4 jumatï ukanak qollqëkaspas ukham thaqaskakïta,+jumatï ukanak imantat wali valorani yänakarjam* thaqaskakïta ukhajja,+
5 Jehová Diosar ajjsarañajj kamsañsa muni ukwa amuyäta,+Diosarus uñtʼarakïtawa.+
6 Kuna laykutejj Jehová Dios pachpaw yatiñjja churi,+uñtʼañas amuytʼañas lakapatwa juti.
7 Cheqapar sarnaqer jaqenakatakejja Diosajj yatiñwa imaski,taqpach chuymamp servisa sarnaqer jaqenakatakejja Diosajj mä escudowa.+
8 Diosajj cheqap sarnaqer jaqenakan thakinakapjja uñjaskiwa,jupat jan jitheqtapki ukanakan thakipjja Diosajj imaniwa.+
9 Jumasti cheqapar uñjañ toqetsa, justicia toqetsa, jan yaqhachasiñ toqetsa amuyätawa,sarañamäki uka cheqap thakejj kawkïrisa uksa amuyarakïtawa.+
10 Kunapachatï yatiñajj chuymamar mantani,+uñtʼañas almamatak* wali kusiskañarakïni ukhajja,+
11 suma amuytʼasirïñaw jumarojj sum uñjaskätam,+amuytʼañaw jarkʼaqarakïtam,
12 ukhamat jan wali thakit jumar salvañataki,jan walinak parlir jaqet jumar salvañataki,+
13 khitinakatejj chʼamak thakinakan sarnaqañatakcheqap thaki apanukupki ukanakat jumar salvañataki,+
14 jan walinak luras kusisipkiukhamarak jan walinakat kusisipki ukanakat jumar salvañataki,
15 jupanakan thakinakapajj qʼala qʼewinukutawa,maysar qʼala qʼewinukut thaknamwa sarapjjaraki.
16 Yatiñajj saranukut warmitwa* salvätam,qʼañu juchan sarnaqer warmin* suma arunakapatwa salvätam,+
17 uka warmejj tawaqökasin casaraskäna uka esposoparuw jaytanuku,+Diosampi lurkäna uka pactopatsa armasirakiwa.
18 Utapar sarañajja jiwañar sarañampi sasiwa,utapar sarir thakejja sepulturaruw api.+
19 Khitinakatï uka warmimp ikintasipki ukanakajja janiw kuttʼanipkaniti,janirakiw jakañar apir thaksa mayampejj sarjjapjjaniti.+
20 Ukampis jumajj suma jaqenakan thakip arkam,cheqap sarnaqer jaqenakan thakinakapan quedasim,+
21 kuna laykutejj cheqap sarnaqer jaqenakakiw oraqen jakapjjani,jan juchani jaqenakakiw* oraqenkapjjani.+
22 Ukampis jan wali jaqenakajj oraqet chhaqtayatäpjjaniwa,+traicioneronakas oraqet jaqonukutäpjjaniwa.+
Notanaka
^ Jan ukajja, “cosasanakjam”.
^ Jan ukajja, “cosasanakarjam”.
^ Hebreo arunjja, “jan uñtʼat warmitwa”. Amuyatajja, Diosajj qʼañu juchan sarnaqañ toqet kamsisa uka leyinakat saranukut warmitwa parlaski.
^ Hebreo arunjja, “extranjera warmin”. Amuyatajja, Diosajj qʼañu juchan sarnaqañ toqet kamsisa uka leyinakat saranukut warmitwa parlaski.
^ Jan ukajja, “taqpach chuymampi servir jaqenakakiw”.
